webease

Khmer-English-Khmer Dictionaries

Chuon Nath's Khmer-Khmer Dictionary
  1. ឆាតករោគ ( ន.នាមសព្ទ ) [ឆាតៈកៈរោគ]   ( បា.បាលី​ ( បាលីភាសា ), សំ.សំស្រ្កឹត ( ភាសាសំស្រ្កឹត ) )
    (ប្សាតក​រោគ) រោគ​ដែល​កើត​បណ្តាល​អំពី​អត់​ឃ្លាន ។
  2. ឆាតកាល ( ន.នាមសព្ទ ) [ឆាតៈកាល]   ( បា.បាលី​ ( បាលីភាសា ), សំ.សំស្រ្កឹត ( ភាសាសំស្រ្កឹត ) )
    (ប្សាត-កាល) កាល​សម័យ​ដែល​ឃ្លាន, សម័យ​ដែល​អត់​ឃ្លាន : ប្រទះ​លើ​ឆាតកាល ។
  3. ឆាតក​ទុក្ខ ( ន.នាមសព្ទ ) [ឆាតៈកៈទុក]   ( បា.បាលី​ ( បាលីភាសា ) )
    ទុក្ខ​កើត​អំពី​ឃ្លាន, អំពី​អត់​ឃ្លាន ។
  4. ឆាន់ ( កិ.កិរិយាសព្ទ )
    បរិភោគ, ស៊ី : និមន្ត​លោក​ឆាន់, ឆាន់​ចង្ហាន់ (ស. ស.) ។
  5. ឆាន់ ( បុ. ស.បុរិសសព្ទនាម )   ( ស.សៀម ( ភាសាសៀម ) )
    (ឆ័ន) ពាក្យ​សម្រាប់​ព្រះ​ថេរៈ និយាយ​ចេញ​ឈ្មោះ​ខ្លួន​ថា ខ្ញុំ ទៅ​រក​ភិក្ខុ​ខ្ចី​វស្សា ឬ​សាមណេរ (ប្រើ​ដោយ​ទម្លាប់) ។
  6. ឆាប ( កិ.កិរិយាសព្ទ )
    ហើរ​ហក់​ចុះ​ទាប ដើម្បី​នឹង​ចាប់​អ្វី​ៗ : ខ្លែង​ឆាប​កូន​មាន់ ។ រូស​អ្វី​ៗ ដោយ​ដែក​ឆាប : ឆាប​រណារ ។ លូក​រាល​ទៅ​ឆេះ : អណ្តាត​ភ្លើង​ឆាប​សយាប​ផ្ទះ ។ ន. ព. ប្រ.
    - ទៅ​មួយ​ឆាប គឺ​ទៅ​មួយ​សំទុះ, មួយ​ទ្រួស, មួយ​ភ្លែត ។
  7. ឆាប ( ន.នាមសព្ទ )   ( ចិ.ចិន (ភាសាចិន) )
    គ្រឿង​ភ្លេង​មួយ​ប្រភេទ សម្រាប់​ចាប់​ទង្គិច​ទទួល​ចង្វាក់​ភ្លេង ឬ​ចង្វាក់​ច្រៀង ។
  8. ឆាប់ ( កិ. វិ.កិរិយាវិសេសនៈ ឬ កិរិយាវិសេសន៏ )
    ដែល​ប្រញាប់, រួសរាន់, វៃ​ៗ : ដើរ​ឆាប់, ទៅ​ឆាប់​ៗ ។ ពាក្យ​ផ្ទុយ យឺត, យូរ ។
  9. ឆាយ ( កិ.កិរិយាសព្ទ )   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    ទាត់​កកាយ​ឲ្យ​រាយ, ឲ្យ​រាប, ឲ្យ​ស្មើ : ឆាយ​ដី, ឆាយ​សំរាម
  10. ឆាយ ( ន.នាមសព្ទ )   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    (ឆាយា “ស្រមោល, ម្លប់; រូប; លំអ...”) ពាក្យ​សម្រាប់​និយាយ​ផ្សំ​នឹង​ពាក្យ ឆើត, ឆោម ឲ្យ​មាន​សេចក្តី​ប្លែក​ជាង​ប្រក្រតី :
    - ឆើត​ឆាយ គឺ​ល្អ​ប្រពៃ, ថ្លៃថ្លា (ម. ព.មើលពាក្យ ( ចូរមើលពាក្យ . . . ) ឆើត ផង) ។
    - ឆោមឆាយ គឺ​មាន​រូប​ស្រៀវស្រស់, ល្អ​ប្រពៃ (ម. ព.មើលពាក្យ ( ចូរមើលពាក្យ . . . ) ឆោម ផង) ។

<< Prev   1   2   3   4   5   6   ... 20   Next >>