Khmer Dictionary: យុទ្ធោបករណ៍

Chuon Nath's Khmer-Khmer Dictionary Full Text Search

យុទ្ធ ( ន.នាមសព្ទ ) [យុត ឬ យុត-ធៈ]
ចម្បាំង; សង្រ្គាម; ការចូលប្រឡូកគ្នា : តយុទ្ធ ។
- យុទ្ធពិធី ឬ
- --វិធី (យុត-ធៈ--) ពិធីចម្បាំង, កលឧបាយសង្រ្គាម ។
- យុទ្ធភណ្ឌ ឬ - យុទ្ធោបករណ៍ (យុត-ធៈភ័ន ឬ យុត-ធោប៉ៈក) ប្រដាប់សម្រាប់ សង្រ្គាម, គ្រឿងចម្បាំង ។
- យុទ្ធភូមិ ឬ - យុទ្ធរង្គ (យុត-ធៈភូម ឬ--រង់) សមរភូមិ, ទីចម្បាំង, ទីប្រទល់ទ័ព ។
- យុទ្ធវិន័យ (យុត-ធៈវិនៃ) ច្បាប់សម្រាប់ទូន្មានពួកទាហាន ។
- យុទ្ធវិនាស (យុត-ធៈ--) សេចក្តីវិនាសព្រោះចម្បាំង; ដំណើរបាក់ទ័ព ។
- យុទ្ធសន្តិភាព (យុត-ធៈសន់តិភាប) ដំណើរ ស្ងប់សឹក, ការសះជាលើកលែងច្បាំងគ្នា ។
- យុទ្ធសាស្រ្ត (យុត-ធៈសាស) ក្បួនចម្បាំង, ក្បួនសម្រាប់ច្បាំង (ដូចយ៉ាងក្បួនព្យូហ៍សឹកជាដើម) ។
- យុទ្ធស្ម័គ្រ (យុត-ធៈស្មាក់) ដំណើរស្ម័គ្រចិត្តនឹងច្បាំង; ដំណើរភ្ជុំពលត្រៀម ប្រចាំការ (សំ. យុទ្ធសាមគ្រី) ។ល។
យុទ្ធុបករណ៍ [យុត-ធុប៉ៈក]
មើលពាក្យ យុទ្ធោបករណ៍ ។
យុទ្ធោបករណ៍ ( ន.នាមសព្ទ ) [យុត-ធោប៉ៈក]
(< យុទ្ធ “ចម្បាំង” + ឧបករណ “ប្រដាប់, គ្រឿងប្រដាប់”) ប្រដាប់សម្រាប់ច្បាំង, គ្រឿងចម្បាំង, ហៅថា យុទ្ធុបករណ៍ ឬ យុទ្ធភណ្ឌ ក៏បាន (ម. ព.មើលពាក្យ ( ចូរមើលពាក្យ . . . ) យុទ្ធ ផង) ។
អាយុធាគារ ( ន.នាមសព្ទ )
ឃ្លាំងអាវុធ, កន្លែងទុកដាក់គ្រឿងចម្បាំង, គ្រឿងអាវុធយុទ្ធភណ្ឌ, គ្រឿងយុទ្ធោបករណ៍ ។

Headley's Khmer-English Dictionary Full Text Search

No matching entries found!