Khmer Dictionary: ឧច្ចាសនៈ

Chuon Nath's Khmer-Khmer Dictionary Full Text Search

អាសនៈ ( ន.នាមសព្ទ ) [--សៈន៉ៈ]
(អាសន) ទីអង្គុយ, កន្លែងអង្គុយ, កម្រាលឬប្រដាប់សម្រាប់អង្គុយ : អង្គុយលើអាសនៈស្មើគ្នា ។ ព. កា.ពាក្យកាព្យ គឺពាក្យសម្រាប់ប្រើក្នុងកាព្យ ច្រើនប្រើ អាសន៍ ជាង : កុំអាលច្រឡាស អង្គុយដើមអាសន៍ រួចបែរជាថយ ចុះមកចុងអាសន៍ ឲ្យខ្មាសស្តាយក្រោយ ប្រយ័ត្នកុំធ្លោយ ឲ្យខ្សោយភាពខ្លួន ។
- ក្រាលអាសនៈ ក្រាលកម្រាលសម្រាប់អង្គុយ ។
- ដើមអាសន៍ អាសនៈខាងដើមបំផុត : ភិក្ខុដើមអាសន៍ ភិក្ខុអ្នកអង្គុយលើអាសនៈខាងដើមគេបំផុត ។
- អាសនន្តរិក លំដាប់នៃទីអង្គុយឬទីអង្គុយជាលំដាប់គ្នា ។
- អាសនសាលា សាលាឬរោងសម្រាប់អង្គុយ ។
- អាសនានុក្រម លំដាប់លំដោយនៃអាសនៈ, លំដាប់ថ្នាក់នៃទីអង្គុយ : អង្គុយតាមអាសនានុក្រម ។
- ទីចាសនៈ អាសនៈទាប ។
- សមានាសនៈ (សៈម៉ាន៉ា--) អាសនៈស្មើគ្នា ។
- សមានាសនិក អ្នកដែលមានទីអង្គុយស្មើគ្នា, អ្នកដែលមានបង្គុយស្មើគ្នា (មនុស្សស្មើស័ក្តិគ្នា) បើស្ត្រីជា សមានាសនិកា (ម. ព.មើលពាក្យ ( ចូរមើលពាក្យ . . . ) សមាន ទៀតផង) ។
- ឧច្ចាសនៈ ឬ - ឧច្ចាសន៍ អាសនៈខ្ពស់ ។ និយាយក្លាយជា ឱចាសន៍ ក៏មាន, ច្រើន ប្រើជា កិ. វិ. ឬ គុ. សំដៅសេចក្ដីថា “ខ្ពស់, ខ្ពស់ជាង” : នាង, ឯងកុំអង្គុយឧច្ចាសន៍ជាងចាស់ទុំ !; កន្លែងឧច្ចាសន៍, ទីឧច្ចាសន៍ (មើលក្នុងពាក្យ ឧច្ច ទៀតផង) ។
ឧច្ច ( គុ.គុនសព្ទ ) [អ៊ុច-ចៈ]
ខ្ពស់; គ្រលួច, ឧត្ដម ។ ឧច្ចកុល ឬ--កូល ត្រកូលខ្ពស់, ត្រកូលឧត្ដម ។
- ឧច្ចគិរី ឬ
- --បព៌ត ភ្នំខ្ពស់ ។
- ឧច្ចគោត្ត ឬ
- --គោត្រ គោត្រខ្ពស់, គោត្រឧត្ដម ឬឧត្ដមគោត្រ ។
- ឧច្ចគ្រឹះ ឬ - --គ្រឹហា ផ្ទះខ្ពស់ ។
- ឧច្ចព្រឹក្ស ដើមឈើខ្ពស់ ។
- ឧច្ចវ័ន ព្រៃស្រោង ។
- ឧច្ចសព្ទ ឬ - ឧច្ចាសព្ទ សូរស្រែកខ្លាំង; សូរហ៊ោ ។
- ឧច្ចាសនៈ ឬ - ឧច្ចាសន៍ អាសនៈខ្ពស់ (និយាយក្លាយជា ឱច្ចាសន៍ ក៏មាន, អ. ថ. ឱច-ចាស ឬ ឱចាស, ច្រើនប្រើជា កិ. វិ. ឬ គុ. សំដៅសេចក្ដីថា “ខ្ពស់, ខ្ពស់ជាង” : កូន, ឯងកុំអង្គុយឱច្ចាសន៍លើចាស់ទុំ !, ទីឱច្ចាសន៍) ។
- ឧច្ចសយនៈ ឬ - ឧច្ចាសយនៈ ទីដេកខ្ពស់ (ប្រើជា ឧច្ចសយនា ឬ ឧច្ចាសយនា ក៏បាន) ។
- ឧច្ចាសយនៈ (ព. ពុ.) ឈ្មោះសិក្ខាបទទី ៨ នៃអដ្ឋង្គិកសីលឬឈ្មោះសិក្ខាបទទី ៩ នៃសីលដប់ (ហៅឲ្យពេញថា ឧច្ចាសយនមហាសយនៈ) មានការវៀរទីដេកដ៏ខ្ពស់ដ៏ប្រសើរដែលទាស់នឹងបញ្ញត្តិ (ហៅកាត់ខ្លីត្រឹមតែ ឧច្ចា ក៏បាន : សីលឧច្ចា) ។ល។
ឱច្ចាសន៍
(ម. ព.មើលពាក្យ ( ចូរមើលពាក្យ . . . ) ឧច្ចាសនៈ ឬ ឧច្ចាសន៍ ក្នុងពាក្យ ឧច្ច និង អាសនៈ) ។

Headley's Khmer-English Dictionary Full Text Search

ឧច្ចាសនៈ ( n ) [ʔuccaasaʔ] - detail »
raised / high seat / bed