Khmer Dictionary: លោត

Chuon Nath's Khmer-Khmer Dictionary

លោត ( កិ.កិរិយាសព្ទ )
ស្ទុះឡើងលើផុតពីទីប្រក្រតី : លោតតន្ត្រំ ។ ស្ទុះផ្លោះរំលង : លោតរំលងប្រឡាយ; ស្វាលោតពីដើមអម្ពិលទៅដើមស្វាយ ។ បោលផ្នាលៗ : បរគោបំបោលឲ្យលោតពេញកម្លាំង ។ ដាលខ្លាំង : គ្រុនក្តៅជីពចរលោតខ្លាំង ។ គុ. (ព. ប្រ.) ដែលស្ទុះខ្ពស់ជាងគេ; ដែលមានទ្រព្យច្រើនជាងគេ ឬដែលគ្រាន់បើជាងគេ : បណ្តាកូន ៥ នាក់ បានតែម្នាក់លោតជាងគេ ។ល។
- លោតកញ្ឆាត់ លោតវាយកញ្ឆាត់ គឺលោតវាយកែងផ្ទប់នឹងកំប៉េះគូទ ។
- លោតកព្ឆោង បោលលោតពីចិត្តឯងដោយអំណាចសេចក្ដីក្លាសប្បាយខ្លាំង : គោក្លាលោតកព្ផោង ។ ព. ប្រ. ខឹងច្រឡោតខ្លាំង ឬអរខ្លាំង បញ្ចេញ លំនាំស្ទុះលោតទាំងបង្គុយឬទាំងជំហរ : ខឹងច្រឡោតលោតកព្ឆោង; អរលោតកព្ឆោង ។
- លោតឆ្តោលោតក្រមាល់ លោតច្រឡោតទាំងស្រុងទាំងក្រមាល់ : ខឹងលោតឆ្តោលោតក្រមាល់ ។ល។
លោតអង្រែ ( ន.នាមសព្ទ )
ឈ្មោះល្បែងមួយប្រភេទ សម្រាប់ក្មេងប្រុសជំទង់ឬកំលោះលេង, មនុស្សពីរនាក់អង្គុយកាន់អង្រែតូចវែងពីរ ដំទង្គិចអង្រែឲ្យមនុស្សម្នាក់លោតក្នុងចន្លោះ មិនឲ្យអង្រែត្រូវជើង; ជាល្បែងហាត់ប្រាណឲ្យប៉ិនខាងវិធីលោតផ្លោះ : លេងលោតអង្រែ ។
លោតអន្ទាក់ ( ន.នាមសព្ទ )
ឈ្មោះល្បែងមួយប្រភេទសម្រាប់ពួកក្មេងប្រុសលេង, ចែកអ្នកលេងជាពីរពួក, មួយពួកអង្គុយដំកង់ឲ្យឃ្លាតៗ ចាប់កាន់ចុងដៃគ្នា, មួយពួកចាំលបលោតរំលងអន្ទាក់ដៃចូលក្នុងវង់អ្នកអង្គុយ ហើយលោតចេញវិញ, បើអ្នកអង្គុយលើកដៃគ្រវាសត្រូវជើងអ្នកលោត, ត្រូវឲ្យពួកអ្នកលោតមកអង្គុយដំកង់កាន់ដៃគ្នា, ពួកអ្នកអង្គុយដំកង់មុនត្រូវលោតវិញ; ជាល្បែងហាត់ប្រាណ ឲ្យប៉ិនខាងការលួចល្បក់ចូលក្នុងចំណោមឬដោះខ្លួនចេញពីចំណោម : គេច្រើនលេងលោតអន្ទាក់តែក្នុងវេលាយប់ខែភ្លឺ ។
លោតែ ( និ.និបាតសព្ទ )
ស្រាប់តែ : លោតែមក, លោតែបាន, លោតែលេចប្លឹមមកពីណា ។

Headley's Khmer-English Dictionary

លោត ( v ) [lout] - detail »
to jump, spring, leap, skip, gallop, (of an animal) to run swiftly; (of a pulse) to beat strongly
លោត ( n ) [lout] - detail »
that which bounces up higher than others; wealthiest; that which is better than others.
លោត ( v ) [lout] - detail »
to surpass (all others -- in wealth or position)
លោត ( adj ) [lout] - detail »
to be over-excited (with joy or anger)