Khmer Dictionary: គំនាប
Chuon Nath's Khmer-Khmer Dictionary Full Text Search
-
តម្បៀត
( ន.នាមសព្ទ )
ប្រដាប់សម្រាប់ត្បៀតអ្វីៗ : តម្បៀតត្នោតញី មានសណ្ឋានមូលផ្សេងគ្នាពីគំនាបត្នោតឈ្មោល ។
-
ទន្សែ
( ន.នាមសព្ទ )
ឈ្មោះឈើមួយប្រភេទ មានដើមសណ្ឋានស្លា ផ្លែមានស្មែង នៅស្រទាប់ធាងមានក្រមរជាផង់ល្អិត ។ ទន្សែនេះ, អ្នកលង្កាទ្វីបគេធ្វើផ្កាវាឲ្យស្រក់ទឹកផ្អែមបាន ដូចផ្កាត្នោតដែរ, មុនដំបូង, កាលបើគេស្ទង់ឃើញថាផ្កាវាមានចំណាស់ល្មមគាបបានហើយ, គេធ្វើជណ្ដើរឫស្សីតូចល្មម, ជណ្ដើរនោះមានកាំខាងលើ ២ ជាចម្ពាមទប់កុំឲ្យក្រឡាច់, គេឡើងទៅក្រសោបសំណុំផ្កា ចងផ្អោបឲ្យណែន, ចង ៧ ថ្ងៃ ក្ដឹបក៏ទុំទាំងអស់ គ្រាន់តែស្រាយចំណងចេញ ក្ដឹបទាំងនោះក៏ជ្រុះអស់ នៅសល់តែស្មែងគេប្រមូលទងស្មែងឲ្យល្មមតែគាបកើត ចងជាដុំតូចៗ ច្រើនដុំ ឥតកាត់ចោលទេ, លុះគម្រប់ ៧ ថ្ងៃ គេយកគំនាបសំប៉ាត ដូចគំនាបត្នោតឈ្មោល គាប ៣ ថ្ងៃ គេយកកាំបិតយ៉ាងមុតចិត ដូចចិតផ្កាត្នោតដែរ, ក៏ស្រក់ទឹកផ្អែមមក, គេត្រងនឹងក្វាងមានទំហំមាត់ល្មមតែចុះសំណុំផ្កាដែលគេចងនោះ, បានទឹកផ្អែម គេអាចរំងាស់ធ្វើស្ករបានដូចត្នោតដែរ, ងាយធ្វើជាងត្នោត ព្រោះមិនខ្លាចធ្លាក់ដូចត្នោតទេ; ស្ករទន្សែផ្អែមខ្សោយបន្តិចជាងស្ករត្នោតមិនរងាន់ទេ ។ ទន្សែបញ្ចេញផ្កាឥតរដូវដូចត្នោតទេ, គួរយើងធ្វើល្បងមើល, ក៏គង់នឹងបានដឹងដោយងាយ, បើធ្វើកើត, មានប្រយោជន៍សំខាន់ណាស់, គួរតែយើងពិសោធន៍មើល : ដីនៅប្រទេសយើងងាយដាំទន្សែណាស់គួរតែដាំត្រង់ដីទំនេរៗឲ្យមានច្រើនឡើង ។
-
គាប
( កិ.កិរិយាសព្ទ )
ចាប់រឹតដោយគំនាប ឬ ឃ្លាប : គាបត្នោត ។
-
គំនាប
( ន.នាមសព្ទ )
ប្រដាប់សម្រាប់គាប, ឃ្នាប : គំនាបត្នោតមាន ២ ប្រភេទគឺ គំនាបត្នោតឈ្មោល មានសណ្ឋានធំសំប៉ែតខាងពោះ, គំនាបត្នោតញី មានសណ្ឋានមូលតូច ព្រោះអ្នកធ្វើត្នោត គេលៃតាមទំហំផ្កាត្នោតឈ្មោលញី ។
-
ឃ្នាប
( ន.នាមសព្ទ )
ប្រដាប់សម្រាប់គាប : ឃ្នាបអំពៅ (ម. ព.មើលពាក្យ ( ចូរមើលពាក្យ . . . ) គំនាប ផង) ។
Headley's Khmer-English Dictionary Full Text Search
-
គំនាប
( n )
[kumniep]
- detail »
vise, press (for extracting juice from sugarcane and fruits)