Khmer Dictionary: ផ្កា
Chuon Nath's Khmer-Khmer Dictionary
-
ផ្កា
( ន.នាមសព្ទ )
ចំណែកអវយវៈនៃរុក្ខជាតិ, តិណជាតិជាដើមដែលចេញពីមែក, ពីធាង, ពីក្នុងចន្លោះត្រួយ, ពីសន្លឹក ឬចេញផ្ទាល់ពីដើម សម្រាប់ក្លាយកើតជាផ្លែ ឬមិនកើតជាផ្លែក៏មាន ។ រូបសណ្ឋានជាផ្កានៅផ្ទៃសំពត់ជាដើម : សំពត់ផ្កា, ព្រែផ្កា ។ ព. ប្រ. រដូវរបស់ស្ត្រី : ស្រ្តីមានផ្កា ។ ឈ្មោះបុណ្យមួយយ៉ាងដែលទាយកហែផ្កាទៅបូជាព្រះពុទ្ធរូប ព្រមទាំងទេយ្យទានយកទៅប្រគេនព្រះសង្ឃផង : បុណ្យផ្កា, ហែផ្កា (ធ្វើតាមទំនៀមប្រទេស) ។
-
ផ្កា
( កិ.កិរិយាសព្ទ )
ចេញផ្កា, បញ្ចេញផ្កា, មានផ្កា : ដូងផ្កា, ឈើផ្កា ។ កិ. បែបនេះហៅ នាមកិរិយា ។
-
ផ្កាប់
( កិ.កិរិយាសព្ទ )
ដាក់ត្រឡប់យកមុខ ឬបាត, ពោះ ចុះក្រោម : ផ្កាប់មុខ, ផ្កាប់ចាន ។ ព. ផ្ទ. ផ្ងារ ។
- ជឿផ្កាប់មុខ ជឿស៊ុបមិនងាកចិត្ត; ស្រឡាញ់ផ្កាប់មុខ ស្រឡាញ់ងប់ចិត្តភ្លេចខ្លួន ។ (កាព្យប្រាប់ឲ្យប្រយ័ត្នជំនឿផ្កាប់មុខ និងស្រឡាញ់ផ្កាប់មុខ) : កុំស៊ុកគ្រលុក កុំជឿផ្កាប់មុខ ដោយឥតបើគិត បំណាច់នឹងជឿ ជឿដោយគំនិត ដែលមានការណ៍ពិត តាមធម៌តាមច្បាប់ ។ ស្រឡាញ់ផ្កាប់មុខ ច្រើនតែមានទុក្ខ ផ្ដល់ឲ្យឈឺចាប់ សង្រេងសង្រៃ ពេកក្រៃស្ទើរស្លាប់ ព្រោះត្រូវចំណាប់ នៃក្ដីស្នេហា ។
-
ផ្កាប់ផ្ងារ
( ន.នាមសព្ទ )
ឈ្មោះល្បែងស៊ីសងមួយប្រភេទ លេងដោយបង្វិលកាសឬលុយ, សេន ឲ្យវិលហើយទះខ្ទប់នឹងបាតដៃឲ្យអ្នកចាក់ទាយថា ផ្កាប់ ឬ ផ្ងារ, បើបើកបាតដៃឡើងឃើញដូចទាយនោះ ត្រូវអ្នកទាយឈ្នះ, បើឃើញខុសពីទាយទេ ត្រូវអ្នកដែលធ្វើមេឈ្នះ : លេងផ្កាប់ផ្ងារ ។
-
ផ្កាយ
( ន.នាមសព្ទ )
ពន្លឺច្រើនដួងក្រៅពីព្រះចន្ទ្រ ដែលមើលទៅឃើញព្រាតឯអាកាសក្នុងវេលាយប់ ។ ស្នាមគំនូស, រូបភាព, គ្រឿងសម្គាល់ដែលមានសណ្ឋានលំនាំផ្កាយ : ពិតានរំលេចផ្កាយ, ពិតានរាយផ្កាយ; ពាក់ស័ក្តិផ្កាយមួយ ។ល។ សណ្ឋានពពាលត្រង់ក្បាល លំនាំរូបផ្កាយ : គោផ្កាយក្បាល ។
- ផ្កាយដុះកន្ទុយ ផ្កាយដែលមានពន្លឺចាំងចេញវែងសណ្ឋានដូចជាកន្ទុយ (ផ្កាយយ៉ាងនេះយូរៗមានម្ដង) ។
- ផ្កាយព្រឹក ឈ្មោះផ្កាយមួយដួង ដែលរះពីទិសខាងកើតក្នុងវេលាទៀបព្រឹកមានពន្លឺរុងរឿងត្រចះជាងផ្កាយទាំងពួង ។ល។
-
ផ្កាកម្រង
( ន.នាមសព្ទ )
ផ្កាដែលគេក្រង (ហៅ ផ្កាក្រង ឬ កម្រងផ្កា ក៏បាន) ។
-
ផ្កាចន្ទន៍
( ន.នាមសព្ទ )
[--ច័ន ]
រូបភាពមានសណ្ឋានដូចផ្កាចន្ទន៍ ។ ឈ្មោះបន្លែក្រៀមមួយប្រភេទមកពីប្រទេសចិន; ប្រើធ្វើជាថ្នាំក្ដៅក៏បាន ។ ឈ្មោះគ្រឿងប្រដាប់ត្រចៀកធ្វើដោយមាសឬប្រាក់ មានសណ្ឋានស្រដៀងនឹងផ្កាចន្ទន៍ សម្រាប់ស្ត្រីពាក់ត្រចៀកក្នុងសម័យពីដើម ។
-
ផ្កាចារ
( ន.នាមសព្ទ )
ឈ្មោះទូកតូចមួយបែបមានទ្រង់ទ្រាយលំនាំត្របកផ្កាចារ : ទូកផ្កាចារ ។
-
ផ្កាចេក
( ន.នាមសព្ទ )
ឈ្មោះបន្លែក្រៀមមួយប្រភេទ មានសណ្ឋានស្រដៀងនឹងផ្កាចេក ជារបស់នាំមកពីប្រទេសចិន; ប្រើធ្វើជាថ្នាំក្ដៅក៏បាន : ផ្កាចេកផ្កាចន្ទន៍ជាបន្លែក្រៀម (មើលក្នុងពាក្យ ផ្កាចន្ទន៍ ទៀតផង) ។
-
ផ្កាឈូក
( ន.នាមសព្ទ )
(សព្ទអារក្ស) ពាក្យមេមត់ហៅកូនដែលនៅក្នុងផ្ទៃ ដោយប្រៀបដូចផ្កាឈូក; បើកូនខ្ចី ឬ កូនតូច ហៅថា ពងចាប (មើលក្នុងពាក្យ ប្រាក្រឹត ទៀតផង) ។
Headley's Khmer-English Dictionary
-
ផ្កា
( n )
[pkaa]
- detail »
flower.
-
ផ្កា
( v )
[pkaa]
- detail »
to flower, blossom, bloom
-
ផ្កា
( n )
[pkaa]
- detail »
decorative flowery design; mark, spot
-
ផ្កា
( n )
[pkaa]
- detail »
menstrual period
-
ផ្កា
[pkaa]
- detail »
-
ផ្កាប់
( v )
[pkap]
- detail »
to turn face down / over / upside down.
-
ផ្កាប់
( adj )
[pkap]
- detail »
to be face down
-
ផ្កាយ
( n )
[pkaay]
- detail »
star, planet, constellation; star-shaped object or marking; insignia of rank for general officers eg. លោកផ្កាយមួយ brigadier general (lit. 'one star general')
-
ផ្កាស
( n )
[pkaah]
- detail »
kind of plant with white flowers; it is used as a vegetable