Khmer Dictionary: គ

31. គគ្រឹក ( ឧ.ឧទានសព្ទ )
    សូរ​សន្ធឹក​ដើរ​ច្រើន​គ្នា : មនុស្ស​ដើរ​គគ្រឹក ។
    
32. គគ្រឹកគគ្រេង ( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
    ពាក្យ​សម្រាប់​ចម្រើន​ពាក្យ​លេង, ពាក្យ​ធ្វើ​បុណ្យ​ជាដើម ឲ្យ​ប្លែក​ឡើង : លេង​ល្បែង​គគ្រឹកគគ្រេង, ធ្វើ​បុណ្យ​គគ្រឹកគគ្រេង គឺ​លេង ឬ​ធ្វើ​បុណ្យ ដោយ​មាន​ល្បែង​ផ្សេង​ៗ មាន​ភ្លេង​ជាដើម ទាំង​មាន​មនុស្ស​ក៏​ច្រើន​ផង ។
    
33. គគ្រឹម ( ឧ.ឧទានសព្ទ )
    គ្រឹម​ៗ ច្រើន​ដង​មិន​ដាច់​សូរ : ឮ​សូរ​គេ​លេង​ភ្លេង​ខ្មែរ​គគ្រឹម (ម. ព.មើលពាក្យ ( ចូរមើលពាក្យ . . . ) គ្រឹម​ៗ ផង) ។
    
34. គគ្រឺត ( កិ.កិរិយាសព្ទ )
    ធ្វើ​កិរិយា​ព្រហើន, កំញើញ​ដាក់, កង្ខើញ​ចូល : គគ្រឺត​ដាក់​ឥត​ញញើត; ឲ្យ​បាយ​ស៊ី​ឆ្អែត​ហើយ វា​គគ្រឺត​មក​រក​វិញ ។
    
35. គគ្រុក ( គុ.គុនសព្ទ )
    ដែល​មាន​ដង្កូវ​ចុះ :
    - ស្អុយ​គគ្រុក ។ ព. ប្រ. សម្អុយ​គគ្រក គឺ​ខូច​កេរ្តិ៍​ឈ្មោះ​ដូច​ជា​សម្អុយ​ដែល​ដង្កូវ​ចុះ​គគ្រុក ។
    
36. គគ្រុក
    គ្រុក​ៗ មិន​ដាច់​សូរ (ម. ព.មើលពាក្យ ( ចូរមើលពាក្យ . . . ) គ្រុក​ៗ ផង) ។
    
37. គគ្រុម ( ឧ.ឧទានសព្ទ )
    គ្រុម​ៗ មិន​ដាច់​សូរ (ម. ព.មើលពាក្យ ( ចូរមើលពាក្យ . . . ) គ្រុម ឬ គ្រុម​ៗ ផង) ។
    
38. គគ្រុយ ( កិ. វិ.កិរិយាវិសេសនៈ ឬ កិរិយាវិសេសន៏ )
    ដែល​មាន​លំនាំ​យឺត​គ្រុយ​ៗ : ដើរ​គគ្រុយ, ធ្វើ​ការ​គគ្រុយ (ម. ព.មើលពាក្យ ( ចូរមើលពាក្យ . . . ) គ្រុយ​ៗ ផង) ។
    
39. គគ្រូក ( កិ. វិ.កិរិយាវិសេសនៈ ឬ កិរិយាវិសេសន៏ )
    ដែល​ឮ​សូរ​គ្រូក​ៗ ច្រើន​ដង : យំ​គគ្រូក (ម. ព.មើលពាក្យ ( ចូរមើលពាក្យ . . . ) គ្រូក ផង) ។
    
40. គគ្រួប ( ឧ.ឧទានសព្ទ )
    ដែល​ឮ​គ្រួប​ៗ (ម. ព.មើលពាក្យ ( ចូរមើលពាក្យ . . . ) គ្រួប​ៗ ផង) ។
    

<< Prev   1   2   3   4   5   6   ... 20   Next >>