-
ងាក
( កិ.កិរិយាសព្ទ )
បែរបញ្ឆៀង, បែរខាង : ងាកឆ្វេង, ងាកស្ដាំ, ងាកចុះងាកឡើង ។
- ងាកចិត្ត, ងាកគំនិត គឺបែរចិត្ត, បែរគំនិត ។
-
ងាប់
( កិ.កិរិយាសព្ទ, គុ.គុនសព្ទ )
ស្លាប់, គាំង; និយាយចំពោះតែអនុបាទិន្នករូប មានឈើនិងគ្រឿងចក្រជាដើម : ឈើងាប់, ឫស្សីងាប់, នាឡិកាងាប់ ។ បើចំពោះឧបាទិន្នករូបមានមនុស្សជាដើម គឺជាពាក្យទ្រគោះ : អាចោរកំណាចនោះវាងាប់ទៅហើយ ។ ចំពោះសត្វតិរច្ឆាន គោងាប់, ក្របីងាប់ ។
- ងាប់គំនិត គឺផុត, ទាល់អស់ផ្លូវគិតតទៅទៀត ។ ព. គ. ថា : ស្លាប់គំនិត, ផុតគំនិត, ទាល់គំនិត, អស់គំនិត ។
-
ងាយ
( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
ដែលមិនក្រ, មិនពិបាក គឺដែលស្រួល, ដែលស្រណុក, ធ្វើឆាប់កើត, រកឆាប់បានជាដើម : ការងាយសោះទៅជាធ្វើមិនកើត ។
-
ងារ
( ន.នាមសព្ទ )
មុខការ, ទីតំណែងរាជការតាមបណ្ដាស័ក្ដិ, តាមក្រសួង, បណ្ដាស័ក្ដិ, យសស័ក្ដិ, ឋានន្តរ ។ លោកហ្នឹងមានងារជាអ្វី ? មានងារជាហ្លួងពិភក្តិអក្សរ ។
-
ងារ
( ន.នាមសព្ទ )
ភាគដីល្មមកម្លាំងបុរសធ្វើមួយពេលហើយការ : ដីមួយងារ, ភ្ជួរស្រែមួយព្រឹកបានពីរងារ ។ ការដែលចែកដោយមុខ, ដោយឡែក ក៏ហៅថា ងារ ដែរ : ធ្វើការតាមមុខងារ, ធ្វើការកាន់មុខងារ, ធ្វើការកាន់ងារ, ភ្ជួរកាន់ងារ ។
-
ងារ
( ប.បរិវារសព្ទ )
ពាក្យសម្រាប់និយាយផ្សំជាមួយនឹងពាក្យការ : ការងារ គឺកិច្ចការដែលត្រូវធ្វើដោយមុខ ។
-
ងាវ
( ន.នាមសព្ទ )
លៀសសមុទ្រមួយប្រភេទ ក្នុងពួកគ្រែង : ផ្អកងាវ ។
-
ងាស
( កិ.កិរិយាសព្ទ )
គ្រវាសចេញ : ងាសដៃ, ងាសជើង ។
-
ងាស់
( កិ.កិរិយាសព្ទ, គុ.គុនសព្ទ )
ទាស់សរសៃ, ស្លាក់ខ្យល់គាំងម្ដងៗ, ងាស់ដៃ, ដៃងាស់ ។ គំនិតងាស់ ឬ ងាស់គំនិត ទញ់គំនិតគិតឃើញខ្លះ ទេខ្លះ ។ ការងារងាស់ ការងារដែលគាំងប្រព្រឹត្តទៅមិនស្រួល ។ ងាស់សំដី សំដីគាំងៗ មិនរាបសា ។ល។
-
ងាំង
( គុ.គុនសព្ទ )
ដែលក្រហមចាស់ : ក្រហមងាំង (ម. ព.មើលពាក្យ ( ចូរមើលពាក្យ . . . ) ងៅ, ឆ្អៅ ផង) ។
<< Prev 1 2 3 4 5 6 ... 10 Next >>
