Khmer Dictionary: ង
Chuon Nath's Khmer-Khmer Dictionary
-
ងាំង
( ន.នាមសព្ទ )
ឈ្មោះត្រីអណ្ដែងមួយប្រភេទមានសាច់ហាប់ ក្បាលធំទ្រងាង ផ្សេងគ្នាពីត្រីអណ្ដែងទន់ : ត្រីអណ្ដែងងាំង មាឌតូចជាងត្រីអណ្ដែងទន់ (ម. ព.មើលពាក្យ ( ចូរមើលពាក្យ . . . ) អណ្ដែង ផង) ។
-
ងាំៗ
( កិ. វិ.កិរិយាវិសេសនៈ ឬ កិរិយាវិសេសន៏ )
ថាមិនច្បាស់ : និយាយងាំៗ ។
-
ងាំៗ
( ឧ.ឧទានសព្ទ ) or ង៉ាំៗ
សូរឆ្កែប្រខាំគ្នា ឮសូរស្រដៀងនឹង ង៉ាញ់ៗ ដែរ ។
-
ងីក
( ប.បរិវារសព្ទ )
ពាក្យសម្រាប់និយាយផ្សំជាមួយពាក្យងាក : ងីកងាក, ដើរងីកងាក; ដំណើរងីកងាក ។
-
ងីងើ
( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ ) or ងេងើ
ដែលគ្រលៀសរេទៅរេមក : ធ្វើក្បាលងីងើ ។
-
ងីវ
( ន.នាមសព្ទ ) ( ចិ.ចិន (ភាសាចិន) )
របាំចិន, ល្ខោនចិន : ចិនលេងងីវ, ទៅមើលងីវ ។
-
ងីសងាស
( កិ. វិ.កិរិយាវិសេសនៈ ឬ កិរិយាវិសេសន៏ )
ដែលមានដំណើរមិនរៀបរយ, ដែលទទីសទទាស នាំឲ្យទើសទែង ទាសទៅទាសមកច្រើនដង ខុសផ្លូវ ខុសគន្លង ។
-
ងឹល
( ឧ.ឧទានសព្ទ )
សូរឮដោយឆ្កែគ្រហឹម : ឆ្កែគ្រហឹមងឹល ។
-
ងឺៗ
( ឧ.ឧទានសព្ទ )
សូរគ្រហឹមស្រាលៗ ។
-
ងុរងក់
( គុ.គុនសព្ទ )
ចាស់ជរាគ្រាំគ្រាខ្លាំង, ដែលទ្រមខ្លាំងមានដំណើរជជ្រុលជជ្រក : ចាស់ងុរងក់ (ពាក្យសាមញ្ញ) ។ (ម. ព.មើលពាក្យ ( ចូរមើលពាក្យ . . . ) ហូនហ៊ក់ ផង) ។
<< Prev 1 2 3 4 5 6 ... 10 Next >>