Khmer Dictionary: ឆ

Chuon Nath's Khmer-Khmer Dictionary
  1. ឆ្ពិត ( កិ.កិរិយាសព្ទ )
    ចាប់​មួយ​ច្បិច ។
  2. ឆ្ពិន ( ន.នាមសព្ទ ) or ថ្ពិន
    ឈ្មោះ​ត្រី​ស្រកា​មួយ​ប្រភេទ សន្ដាន​
    - ត្រី​គជ្រា ។
  3. ឆ្ពឹះ ( គុ.គុនសព្ទ )
    ដែល​ដោរ​ឡើង​ខ្ពស់​ពី​សាច់​ធម្មតា : សាច់​សំពត់​នេះ​ឆ្ពឹះ​ច្រើន​អន្លើ ។
  4. ឆ្ពុង ( កិ.កិរិយាសព្ទ )
    ហប់​ថ្នាំ​រំងាប់​រោគ​ដោយ​យក​ចំហាយ​ផ្សែង ។
  5. ឆ្ពោះ ( អា. និ.អាយតនិបាត )
    ចំពោះ, សំដៅ, តម្រង់ : ដើរ​ឆ្ពោះ​ទៅ​ផ្ទះ ។
  6. ឆ្មក់ ( កិ.កិរិយាសព្ទ )
    លួច​ល្បក់ ។ គុ. ដែល​លប​លួច​ល្បក់, ដែល​រក​ស៊ី​ដោយ​ឆក់ ។
  7. ឆ្មប ( ន.នាមសព្ទ )
    ស្រ្តី​ពេទ្យ​សម្រាល​កូន គឺ​ស្រ្តី​អ្នក​ជួយ​ដោះ​ទុក្ខ​ នៃ​ស្រ្តី​ផង​គ្នា​ដែល​សម្រាល​កូន ។
  8. ឆ្មា ( ន.នាមសព្ទ )
    បសុសត្វ​ចតុប្បាទ​មួយ​ប្រភេទ​ជា​សត្រូវ​នឹង​កណ្ដុរ (ព. ទ. បុ.) : ឆ្មា​មិន​នៅ​កណ្ដុរ​ឡើង​រាជ្យ (អ្នក​ធំ​មិន​នៅ​អ្នក​តូច​តែង​ឡើង​ចាង) ។
  9. ឆ្មាត់
    (ម. ព.មើលពាក្យ ( ចូរមើលពាក្យ . . . ) គោ​ឆ្មាត់) ។
  10. ឆ្មារ ( គុ.គុនសព្ទ )
    តូច​បំផុត; សម្រាប់​ហៅ​វត្ថុ​ដែល​តូច​វែង​ឬ​សំឡេង​តូច​ស្រួច : សរសៃ​អំបោះ​ឆ្មារ, សំឡេង​ឆ្មារ ។ (ក្រូច​ឆ្មារ ក្រូច​ដើម​ទាប ផ្លែ​តូច​ៗ សម្រាប់​ប្រើ​ការ​បាន​ច្រើន​យ៉ាង​មាន​ប្រើ​ធ្វើ​ម្ជូរ​ជ្រក់​ជា​ដើម ) ។

<< Prev   1 ... 15   16   17   18   19   20   Next >>