webease

Khmer-English-Khmer Dictionaries

Chuon Nath's Khmer-Khmer Dictionary
  1. ញាតិ --
    (មើល​ក្នុង​ពាក្យ ញាតិ) ។
  2. ញាត់ ( កិ.កិរិយាសព្ទ )
    ច្រក​ដោយ​រុក, ដោយ​ត្រសុក​សង្កត់​ឲ្យ​តឹង​ឲ្យ​ណែន : ញាត់​ផ្អក​ក្នុង​ក្រឡ, ញាត់​កម្ទេច​ក្រដាស​ក្នុង​បាវ
  3. ញាត​ស្បាត
    (ម. ព.មើលពាក្យ ( ចូរមើលពាក្យ . . . ) ញៀត​ស្បាត) ។
  4. ញាប់ ( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
    បន្ទាន់​ៗ ញឹក​ៗ, រន្ថាន់ : ដើរ​ជាប់​ជើង, និយាយ​ញាប់; ដំណើរ​ញាប់, សម្ដី​ញាប់, ។ ពាក្យ​ផ្ទុយ រង្វើល, យាង​យាវ, មួយ​ៗ ។
  5. ញាស់ ( កិ.កិរិយាសព្ទ )
    កើត​ចេញ​ពី​ស៊ុត (ពី​ពង); និយាយ​ចំពោះ​តែ​សត្វ​ដែល​ជា​អណ្ឌជៈ : កូន​មាន់​ទើប​នឹង​ញាស់ ។ ព. ប្រ. តាំង​ពី​វា​ញាស់​ឡើង តាំង​ពី​វា​កើត​មក ។
  6. ញាំ ( កិ.កិរិយាសព្ទ )
    ធ្វើ​ម្ហូប​ដែល​ហៅ​ថា ញាំ ។
  7. ញាំ ( ន.នាមសព្ទ )
    អាហារ​ធ្វើ​ដោយ​គ្រឿង​ផ្សំ​ផ្សេង​ៗ មាន​ត្រី​អាំង​ឬ​ត្រី​ស្ងោរ​ជាដើម កូរ​ច្របល់​បញ្ចូល​ជាតិ​គ្នា (មិន​ចម្អិន​ថែម​ទៀត​ទេ) : ញាំ​សាឡាត់, ញាំ​ត្រសក់
  8. ញី ( កិ.កិរិយាសព្ទ )
    ឈ្លី​របស់​ល្អិត​ៗ ឬ​របស់​ដែល​មាន​សាច់​ទន់ : ញី​ម្សៅ, ញី​សំពត់ ។
  9. ញី ( គុ.គុនសព្ទ )
    ដែល​មាន​ភេទ​ជា​ស្រី; ប្រើ​ចំពោះ​តែ​សត្វ​តិរច្ឆាននិង​ឈើ​ខ្លះ : គោ​ញី; ត្នោត​ញី ។ ព. ផ្ទ. ឈ្មោល ។
  10. ញីញញូញ ( កិ.កិរិយាសព្ទ )
    ញញើត​ញញើម, ស្ទាក់​ស្ទើរ ។

<< Prev   1   2   3   4   5   6   ... 10   Next >>