Khmer Dictionary: ដ
Chuon Nath's Khmer-Khmer Dictionary
-
ដង្កាវ
( ន.នាមសព្ទ )
ប្រដាប់ធ្វើដោយឈើឬឫស្សីតូចវែងមានចុងរាងងក្ងក់ សម្រាប់ថ្ពក់កាវទាញមែកឈើជាដើម ។
-
ដង្កូវ
( ន.នាមសព្ទ )
សត្វល្អិតពួកសត្វវារ, សត្វលូន ឥតជើងខ្លះ មានជើងខ្លះ : ដង្កូវបាក់ខ្នង, ដង្កូវដឹកឧស ។ល។
-
ដង្កែ
( ន.នាមសព្ទ )
សត្វល្អិតពួកចៃ តែងខាំមនុស្សសត្វ : សារិកាកែវក្របីទំលើខ្នងគោចឹកដង្កែស៊ី ។
-
ដង្កោ
( ន.នាមសព្ទ )
ឈ្មោះឈើមួយប្រភេទ ផ្លែមូលៗមានរសចត់សម្រាប់ប្រើជាគ្រឿងជ្រលក់ ឬយកមកកែផ្សំធ្វើជាអាហារក៏បាន : ផ្លែដង្កោទុំក្រហមប្រាក ។
-
ដង្កោខ្មោច
( ន.នាមសព្ទ )
ឈើមួយប្រភេទ ស្លឹកស្រដៀងនឹងដង្កោ ផ្លែតូចៗ មានរសចត់ ។
-
ដង្ខៅ
( ន.នាមសព្ទ )
( ចិ.ចិន (ភាសាចិន) )
(តាំងខៅ) មេជំនួញ (គហបតីរងឬ អនុគហបតី) ។
-
ដង្គត់
( ន.នាមសព្ទ )
or ទង្គត់
កំណាត់ឈើដែលសល់ពីគេកាត់ ឬបាក់ជាប់នៅនឹងគល់ : ដង្គត់ឈើ ។
-
ដង្គន់
( ន.នាមសព្ទ )
ខ្សែផ្ដៅវេញទាំងមូល សម្រាប់ចងរឹតកូបឬរយាង, ញ៉ែង ព័ទ្ធតាមទ្រូងដំរី ។
-
ដង្គុំ
( គុ.គុនសព្ទ, ន.នាមសព្ទ )
or ទង្គុំ
ព្រៃដែលស្រោងត្រសុំត្រសាយ; ដែលមើលទៅឃើញស្រោងត្រសុំហាក់ដូចគេចងផ្គុំ : ដង្គុំព្រៃ, ព្រៃដង្គុំ ។
-
ដង្គោល
( កិ. វិ.កិរិយាវិសេសនៈ ឬ កិរិយាវិសេសន៏ )
or ទង្គោល
ទ្រលោម, ថ្គោល : ផ្សែងហុយដង្គោល ។
<< Prev 1 2 3 4 5 6 ... 20 Next >>