webease

Khmer-English-Khmer Dictionaries

Chuon Nath's Khmer-Khmer Dictionary
  1. ដង​ខ្ទែង ( ន.នាមសព្ទ )
    ឈ្មោះ​ត្រី​ស្រកា​មួយ​ប្រភេទ រាង​សំប៉ែត​ខ្លួន​វែង មាន​ឆ្អឹង​វែង​ៗ​បណ្ដោយ​តាម​ខ្លួន ។
  2. ដង​គោម ( ន.នាមសព្ទ )
    ដង​សម្រាប់​បង្ហូត​គោម ។
  3. ដង​ដឹង ( ន.នាមសព្ទ )
    ឈ្មោះ​ឈើ​មួយ​ប្រភេទ : មើម​ដង​ដឹង ។ ឈ្មោះ​ប្រទាល​មួយ​ប្រភេទ មើម​មាន​រស​ពុល ។ អ្នក​ស្រុក​ខ្លះ​ហៅ ស្លែង​ដង​ដឹង
  4. ដង​ណោះ ( និ.និបាតសព្ទ ) [--ណុះ ] or ដង​នោះ
    ពាក្យ​ប្រាប់​កាល, គ្រា​ដែល​កន្លង​ទៅ​ហើយ (គ្រា​នោះ, កាល​នោះ ); សម្រាប់​ប្រើ​តែ​ក្នុង​កាព្យ ឬ ពំនោល​ល្ខោន : ដង​ណោះ​កុម្ភណ្ឌយក្សា ចរ​ចេញ​យាត្រា កម្លា​សប្បាយ​ក្នុង​ព្រៃ ។ ពាក្យ​ផ្ទុយ : ដង​ណា ។
  5. ដង​បង្ហួរ ( ន.នាមសព្ទ ) or ទង​បង្ហួរ
    ទង​សរសៃ​ធំ​ជា​បំពង់​បស្សាវៈ នៃ​មនុស្ស ឬ​សត្វ​ចតុប្បាទ​ពួក​ខ្លះ ។
  6. ដង​ព្រៃ ( ន.នាមសព្ទ )
    ជួរ​ព្រៃ​ឬ​តួ​បណ្ដោយ​ព្រៃ : ដើរ​កម្សាន្ត​តាម​ដង​ព្រៃ (បា. វន​សណ្ឌ) ។
  7. ដង​ភ្នំ ( ន.នាមសព្ទ )
    ជួរ​ភ្នំ ឬ​តួ​បណ្ដោយ​ភ្នំ ។
  8. ដង​រែក ( ន.នាមសព្ទ ) or ដង​រ៉ែក
    ឈើ​ឬ​ឫស្សី​ជា​ដង​សម្រាប់​រែក ។ ឈ្មោះ​ភ្នំ​មួយ​នៅ​ទិស​ឧត្តំរ​ប្រទេស​កម្ពុជា : ភ្នំ​ដង​រែក
  9. ដដុស ( កិ.កិរិយាសព្ទ )
    ដុស​រឿយ​ៗ, កកិត​រឿយ​ៗ : ក្របី​ដដុស​បង្គោល​ក្នុង​ក្រោល ។
  10. ដដែល ( និ.និបាតសព្ទ ) or ដូចដែល
    តែ​បទ ១, តែ​ទី ១, ដូច​ដើម, ដូច​មុន; ដូច​ពាក្យ​ថា ធ្វើ​ដដែល​ៗ, នៅ​កន្លែង​ដដែល, និយាយ​ធម៌​ដដែល​ដូច​ពី​មុន ។

<< Prev   1   2   3   4   5   6   ... 20   Next >>