Khmer Dictionary: ណ
Chuon Nath's Khmer-Khmer Dictionary
-
ណេងណូង
(ម. ព.មើលពាក្យ ( ចូរមើលពាក្យ . . . ) ណិងណុង) ។
-
ណេះណោះ
( កិ. វិ.កិរិយាវិសេសនៈ ឬ កិរិយាវិសេសន៏ )
[--ណុះ]
ពីនេះពីនោះ, នាយអាយ : និយាយណេះណោះ គឺនិយាយពីនេះខ្លះ ពីនោះខ្លះ ឬនិយាយតំណាលពីខាងនាយខ្លះ ពីខាងអាយខ្លះផ្សែផ្សំឲ្យតែខាងបានការ ។
-
ណែ
( កិ.កិរិយាសព្ទ )
ឲ្យន័យ, ឲ្យទំនង, ពន្យល់ : ណែផ្លូវ, ណែទំនង, ណែឲ្យយល់ក្នុងវិធីអានបាលី ។
-
ណែកណក
( កិ.កិរិយាសព្ទ )
ក្និចក្នក់, ង៉ិកង៉ក់ (ព. សា. មិនសូវប្រើ) ។ ន. គោរម្យចង្វាក់ភ្លេងពិណពាទ្យ (មិនសូវប្រើ) ។
-
ណែងណង
( ន.នាមសព្ទ )
កំណាត់ឈើឬឫស្សី ចងបន្ដោកបង្អូសដី ភ្ជាប់នៅកសត្វចតុប្បាទ មានគោ, សេះ, ឆ្កែជាដើម ដើម្បីឲ្យទទើសទទែងជើងមុខមិនឲ្យបោលបាន : ចងណែងណង, ជាប់ណែងណង ។
-
ណែងណោង
( កិ. វិ.កិរិយាវិសេសនៈ ឬ កិរិយាវិសេសន៏ )
ដែលចងព្យួរបន្តោកតែងតោងពីក្រោម, រណែងរណោង : ព្យួរណែងណោង ។
-
ណែណន
( គុ.គុនសព្ទ )
( ស.សៀម ( ភាសាសៀម ) )
ដែលឋិតថេរ, ខ្ជាប់ខ្ជួន, យឺនយូរ, ប្រាកដប្រជា, ចំណាប់ចំនួន (មិនសូវប្រើ) ។
-
ណែន
( គុ.គុនសព្ទ )
តឹង, រឹង, ចង្អៀត, ហាប់ : ភ្ញៀវអង្គុយណែនក្នុងរោង ។
-
ណែន
( ន.នាមសព្ទ )
ឈ្មោះប្រាក់ដុំមួយបែបរូបសណ្ឋានស្រដៀងនឹងស្នូកជ្រូក, ទម្ងន់ ១០ តម្លឹង ឬ ១០ តម្លឹង ២ ជី, ចាយជាប្រាក់រាយចំនួន ១៥ រៀល ឬ ១៦ រៀល ដោយចុះឡើងតាមកាលតាមសម័យ; សព្វថ្ងៃលើកលែងចាយហើយ ។
-
ណែនណាន់
( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
កកកុញ, ជុំជិត : ឈរណែនណាន់; មនុស្សច្រើនណែនណាន់ ។
- ណែនណាន់តាន់តាប់ គឺណែនណាន់ខ្នាន់ខ្នាប់ពេញពាស ។