Khmer Dictionary: ណ
Chuon Nath's Khmer-Khmer Dictionary
-
ណែនាំ
( កិ.កិរិយាសព្ទ )
ប្រាប់ទំនង, ប្រាប់ឧបាយ ឲ្យយល់ឲ្យភ្លឺ, នាំឲ្យធ្វើដោយពន្យល់បណ្ដើរ : សូមជួយណែនាំវាផង ។
-
ណែម
( ន.នាមសព្ទ )
( យ.យួន ( ភាសាយួន ) )
ឈ្មោះម្ហូបគោកមួយប្រភេទ ដោយស្បែកជ្រូកឬលាយសាច់ចិញ្ច្រាំមានស្លឹករលួសបាយ ឬស្លឹកកន្ទួតស្រុក, ស្លឹកចាព្លូ ខ្ចប់ជាមួយផង ទុកឲ្យឡើងបាយស្រាជូរបន្តិចៗ ។
-
ណែលណោល
( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
តែលតោល (ម. ព.មើលពាក្យ ( ចូរមើលពាក្យ . . . ) នោះ) ។
-
ណែវ
( ន.នាមសព្ទ )
( យ.យួន ( ភាសាយួន ) )
ឈ្មោះកងដៃមួយប្រភេទ : កងណែវ, ពាក់កងណែវ ។
-
ណ៎ះ !
( និ.និបាតសព្ទ )
or ណ៎ា !, ណ៎ាះ ! ហ្ន៎ះ !, ហ្ន៎ា !
ពាក្យនិបាត មានសំឡេងឡើងខ្ពស់ស្រួច ឬ ស្រទន់ សម្រាប់និយាយបញ្ជាក់សេចក្ដីឲ្យប្រាដក មានអាការហាក់ដូចជាឆ្ងល់ ឬសួរថែមថា “មិនមែនឬ ?, មិនមែនដូច្នោះឬ ?”; និយាយទៅរកបានចំពោះតែមនុស្សអ្នកតូចទាបជាង ឬដែលស្និទ្ធស្នាល, ដែលស្មើគ្នា : នែ, ទៅកុំខានណ៎ះ !; ប្រយ័ត្នណ៎ះ !; កុំភ្លេចណ៎ះ !; សុំឲ្យកូនម៉ែនាងបានជាសះស្បើយតាំងពីថ្ងៃនេះទៅណ៎ះនាងណា៎ ! ...។
-
ណ្ហើយ
( និ.និបាតសព្ទ )
កុំឡើយ, កុំបាច់ឡើយ ។ ពាក្យនិបាតជាបដិសេធន៍សម្រាប់និយាយឃាត់ឲ្យឈប់ត្រឹមប៉ុណ្ណោះ : ណ្ហើយកុំយក !; ណ្ហើយកុំនិយាយ !...។ ប្រាប់សេចក្ដីថា ល្មមហើយ ក៏បាន : ណ្ហើយ, យើងឈប់នៅទីនេះចុះ !; ណ្ហើយ, ខ្ញុំជម្រាបលាអ្នកទាំងអស់គ្នាហើយ !; ណ្ហើយ ! មីងលាក្មួយសិនហើយណ៎ះ ! ។
-
ណ្ហើយចុះ
( និ.និបាតសព្ទ )
ប៉ុណ្ណឹងចុះ, មិនជាអ្វីចុះ, កុំបាច់ចុះ, មិនថ្វីទេ : ណ្ហើយចុះ ចាំខ្ញុំទៅ !; ណ្ហើយ, ប៉ុណ្ណឹងចុះ !; ណ្ហើយ, កុំឲ្យទៀត, ប៉ុណ្ណឹងល្មមហើយ ! ។