Khmer Dictionary: ថ
Chuon Nath's Khmer-Khmer Dictionary
-
ថវិកា
( ន.នាមសព្ទ )
[ថៈ-- ]
( បា.បាលី ( បាលីភាសា ) )
ថង់; យាម; ទៃ ។ សព្វថ្ងៃពាក្យនេះ ប្រើសំដៅយកបញ្ជីដែលគ្រោង ឬកត់ត្រាទុកនូវប្រាក់ចំណូលនិងចំណាយរៀងរាល់ឆ្នាំ ប្រៀបដូចជាថង់សម្រាប់ដាក់ប្រាក់ : គ្រោងថវិកា, ចាយ វាយប្រាក់កុំឲ្យហួសលើសពីថវិការបស់ខ្លួន ។
- ថវិកាខេត្ត ថវិកាសម្រាប់ប្រើប្រាស់ក្នុងខេត្ត ។
- ថវិកាជាតិ ថវិការបស់ជាតិ គឺថវិកាសម្រាប់ប្រើប្រាស់ជាប្រយោជន៍ដល់ប្រទេសជាតិទាំងមូល ។
- ថវិកាប្រធួន សេចក្ដីសុំរួមគ្នាដែលក្រសួងហិរញ្ញវត្ថុធ្វើជូនទៅរដ្ឋសភា ដើម្បីសុំនូវឥណទានបន្ថែម សម្រាប់ចាយវាយទប់ទល់ទម្រាំបានថវិកាដើម ។
-
ថា
( កិ.កិរិយាសព្ទ )
ស្ដី, និយាយ, ពោល : ថាឲ្យ, កុំថាឲ្យគេ, គេថាម៉េច ?, ថាតាមគេ ។ ស្ដីថា ស្ដីប្រដៅ; បន្ទោស : គេស្ដីថាបន្តិចបន្តួច កុំឲ្យប្រកាន់ខឹង ។
-
ថា
( និ.និបាតសព្ទ )
ពាក្យសម្រាប់ចង្អុលសេចក្ដីដែលមានតទៅ : ខ្ញុំនិយាយថា “ខ្ញុំមិនព្រមឲ្យទេ” ។
-
ថាថាង
( គុ.គុនសព្ទ )
( ស.សៀម ( ភាសាសៀម ) )
(ទាទាង អ. ថ. ថាថាង) ដែលមានបែបបទ, លំនាំហ៊ឺហា : ឫកថាថាង (ម. ប្រ.) ។
-
ថាប់
( កិ.កិរិយាសព្ទ )
( ស.សៀម ( ភាសាសៀម ) )
(ទ័ប អ. ថ. ថ័ប) ដាក់ផ្ទាប់, ផ្ដិតផ្ទាប់, បិទពាសភ្ជាប់ពីខាងលើផ្ទៃ ដែលមានឋានព័ណ៌ពីខាងក្រោម : ថាប់ក្រដាសក្បាច់រំហោក, ថាប់ស្ពាន់ក្រាប ។
-
ថាប់
( ន.នាមសព្ទ )
ផ្ទៃក្រដាសឬសំពត់ជាដើមដែលមានឋានព័ណ៌សម្រាប់ដាក់ពីខាងក្រោមក្បាច់រំលេច មានក្បាច់ស្ពាន់ក្រាបជាដើម : ក្រដាសថាប់ ។
-
ថាមពល
( ន.នាមសព្ទ )
[ថាម៉ៈពល់]
( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(ស្ថាមពល) កម្លាំងចិត្តនិងកម្លាំងកាយ; កម្លាំងយ៉ាងស្វាហាប់, កម្លាំងដ៏លើសលុបឬដ៏ក្លាខ្លាំង : ថាមពលបរមាណូ, កីឡាអាចញ៉ាំងថាមពលឲ្យកើតមានពេញលេញ ។
-
ថាមភាព
( ន.នាមសព្ទ )
[ថាម៉ៈ--]
( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(--ភាវ; ស្ថាម + ភាវ) ភាពនៃកម្លាំង, ការមានកម្លាំង, ដំណើរស្វាហាប់អង់អាច ។
-
ថាមមាត្រ
( ន.នាមសព្ទ )
[ថាម៉ៈមាត]
( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(ថាម + មត្ត; ស្ថាម +មាឌ ឬ មាត្រ) ប្រដាប់សម្រាប់វាស់ស្ទង់សន្ទុះនៃគ្រឿងម៉ាស៊ីននិងអគ្គិសនី ។
-
ថាមវន្ត
( គុ.គុនសព្ទ )
[ថាម៉ៈ-វ័ន]
( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(ស្ថាមន៑+វន៑ ឬ--វន្ត) ដែលមានកម្លាំង, ដែលប្រកបដោយសេចក្ដីស្វាហាប់ : ជនថាមវន្ត, បុគ្គលថាមវន្ត, អ្នកកីឡាថាមវន្ត ។
<< Prev 1 2 3 4 5 6 ... 20 Next >>