webease

Khmer-English-Khmer Dictionaries

Chuon Nath's Khmer-Khmer Dictionary
  1. ទងគន្លង ( ន.នាមសព្ទ )
    លំអាន, ហេតុ, ទំនង; ដំណើរ​ទំនង : សម្ដី​មាន​ទង​គន្លង, មាន​ទង​គន្លង​ល្មម​ប្រាស្រ័យ​គ្នា​បាន, រឿង​នេះ​មាន​ទង​គន្លង​យ៉ាង​ណា ?
  2. ទងត្រសក់ ( ន.នាមសព្ទ )
    សរសៃ​ដែល​មាន​សណ្ឋាន​ជា​ទង​ៗ​នៅ​ក្នុង​ស្រោម​អណ្ឌៈ ។
  3. ទងត្រា ( ន.នាមសព្ទ )
    សំបុត្រ​របស់​សេនាបតី ឬ មេ​ទ័ព ឬ​ក៏​ព្រះ​រាជ​អាជ្ញា​ហ្លួង ដែល​មាន​បោះ​ត្រា (ប្រើ​តែ​ពី​ក្នុង​សម័យ​បុរាណ) ។
  4. ទងត្រៅ ( ន.នាមសព្ទ )
    ឈ្មោះ​ពស់​មួយ​ប្រភេទ មាន​ដង​ខ្លួន​រៀវ​ស្រដៀង​នឹង​ទង​ត្រៅ​សម្បុរ​បៃតង​ចាស់​សន្ដាន​ពស់​តុកកែ : ពស់​ទង​ត្រៅ ។ អ្នក​ស្រុក​ខ្លះ​ហៅ ពស់​ធាង​ត្រៅ ។
  5. ទង់ ( កិ.កិរិយាសព្ទ )
    ទាញ​ទាំង​ពីរ​ខាង​ទៅ​វិញ​ទៅ​មក, ទាញ​ទៅ​ទាញ​មក; ច្រើន​និយាយ​ថា ទង់ទាញ ឬ ទាញ​ទង់ គឺ​ទាញ​គ្នា​ទៅ​វិញ​ទៅ​មក, ប្រអូស​ប្រទាញ​គ្នា ។ ព. ប្រ. ដឹក​នាំ​ចិត្ត​គំនិត​អ្នក​ដទៃ​ឲ្យ​ប្រព្រឹត្ត​តាម : ខ្ញុំ​ខំ​ទង់​ទាញ​វា​ណាស់​ដែរ​ប៉ុន្តែ​គេ​មិន​តាម
  6. ទង់ ( ន.នាមសព្ទ )
    ផ្ទាំង​សំពត់​ឬ​ចម្រៀក​សំពត់ ដែល​ដេរ​ឲ្យ​មាន​សណ្ឋាន​និង​ព័ណ៌​ឬ​រូប​ផ្សេង​ៗ សម្រាប់​ប្រើ​ជា​កិត្តិយស​ក្នុង​ប្រទេស​មួយ​ៗ; ឬ​ក៏​ប្រើ​ជា​គ្រឿង​សម្គាល់​តាម​សណ្ដាប់​សាសនា​នីមួយ​ៗ; ប្រើ​ជា​គ្រឿង​បូជា​ក៏​មាន; សូម្បី​ធ្វើ​ដោយ​ក្រដាស​ក៏​ហៅ ទង់ ដែរ ។
  7. ទង់ដែង ( ន.នាមសព្ទ )   ( ស.សៀម ( ភាសាសៀម ) )
    លោហ​ជាតិ​មួយ​ប្រភេទ​មាន​សាច់​រឹង សម្បុរ​ក្រហម បើ​ខាត់​នឹង​ថ្នាំ​ខាត់​ឡើង​សម្បុរ​ស្រដៀង​នឹង​ទង់ហ៊្វា លុះ​ទុក​យូរ​បន្តិច​ទៅ ក៏​ប្រែ​ជា​មាន​សម្បុរ​ស្រអាប់ : កាំបិត​ទង់ដែង
  8. ទង់ទាញ ( កិ.កិរិយាសព្ទ )
    (ម. ព.មើលពាក្យ ( ចូរមើលពាក្យ . . . ) ទង់ ១ កិ.) ។
  9. ទង់ហ៊្វា ( ន.នាមសព្ទ ) [--វា ]
    លោហ​ជាតិ​មួយ​ប្រភេទ ធ្វើ​ពី​ទង់ដែង​និង​មាស​និង​ប្រាក់​លាយ​គ្នា មាន​សាច់​រឹង​ស្រដៀង​នឹង​ស្ពាន់​សម្បុរ​ក្រហម​ភ្លឺ សម្រាប់​ធ្វើ​គ្រឿង​អលង្ការ​ផ្សេង​ៗ មាន​ឡេវ​អាវ​ជាដើម ឬ​ធ្វើ​គ្រឿង​ប្រើ​ប្រាស់​ផ្សេង​ៗ មាន​ប្រអប់​ជាដើម : ប្រអប់​ទង់ហ៊្វា, ឡេវ​ទង់ហ៊្វា
  10. ទង់​ជ័យ ( ន.នាមសព្ទ )
    ទង់​ជា​គ្រឿង​សម្គាល់​ក្នុង​សង្គ្រាម​ប្រសិទ្ធី​ថា​ជា​ប្រធាន​នៃ​ជ័យ​ជម្នះ ។ ឈ្មោះ​ថ្ងៃ​មួយ​ដែល​ហោរ​កំណត់​ថា ជា​ថ្ងៃ​មាន​ជ័យ​ក្នុង​រវាង ១ ឆ្នាំ នោះ : ក្នុង​ឆ្នាំ​នេះ​ថ្ងៃ​សុក្រ​ជា​អធិបតី​ទង់ជ័យ

<< Prev   1   2   3   4   5   6   ... 20   Next >>