webease

Khmer-English-Khmer Dictionaries

Chuon Nath's Khmer-Khmer Dictionary
  1. នភាល័យ ( ន.នាមសព្ទ ) [នៈភាលៃ]   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    (នភ + អាលយ) លំនៅ​ពពក គឺ​មេឃ, អាកាស : អណ្ដែត​ត្រសែត​កណ្ដាល​នភាល័យ ។
  2. នភោធូម ( ន.នាមសព្ទ ) [នៈ--]   ( សំ.សំស្រ្កឹត ( ភាសាសំស្រ្កឹត ) )
    (នភ “មេឃ, អាកាស” + ធូម “ផ្សែង”, ភ > ភោ) ពពក​ដែល​រសាត់​មើល​ទៅ​ឃើញ​ដូច​ជា​ផ្សែង (ព. កា.ពាក្យកាព្យ គឺពាក្យសម្រាប់ប្រើក្នុងកាព្យ) ។
  3. នមស្ការ ( ន.នាមសព្ទ ) [នៈម៉័ស-ស្កា]   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    (នមក្ការ) កិរិយា​ថ្វាយ​បង្គំ, ការ​បង្អោន​កាយ​ក្រាប​ប្រណិប័ត; គំនាប់ : សូម​នមស្ការ​ចំពោះ​ព្រះ​រត្នត្រ័យ គឺ​ព្រះ​ពុទ្ធ, ព្រះ​ធម៌, ព្រះ​សង្ឃ !
  4. នយនេត្រ ( ន.នាមសព្ទ ) [នៈយៈនេត]   ( សំ.សំស្រ្កឹត ( ភាសាសំស្រ្កឹត ) )
    (នយ + នេត្រ) ភ្នែក​ជា​ផ្លូវ; មនុស្ស ឬ​គំនិត​ដែល​ទុក​ជា​ភ្នែក, ដែល​ស្នង​ភ្នែក (ម. ព.មើលពាក្យ ( ចូរមើលពាក្យ . . . ) ន័យ និង នេត្រ ទៀត​ផង) ។
  5. នយនៈ ( ន.នាមសព្ទ ) [នៈយៈនៈ]   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    (នយន) ភ្នែក (ព. កា.ពាក្យកាព្យ គឺពាក្យសម្រាប់ប្រើក្នុងកាព្យ) ។
  6. នយលក្ខណៈ ( ន.នាមសព្ទ ) [នៈយៈល័កខៈ-- ]   ( បា.បាលី​ ( បាលីភាសា ) )
    (នយ + លក្ខណ) លក្ខណៈ​នៃ​សេចក្ដី​ពន្យល់ គឺ​ការ​យោង​លេខ​ត្រង់​ពាក្យ​ណា​មួយ​នៃ​ទំព័រ​សៀវភៅ ហើយ​សរសេរ​ដាក់​ខាង​ក្រោម ដើម្បី​ពន្យល់​ពាក្យ​នោះ​ៗ​ដែល​មាន​ន័យ​ផ្សេង​គ្នា​ជាដើម : ពាក្យ​នេះ គប្បី​ធ្វើ​នយលក្ខណៈ​ផង ទើប​គេ​អាច​យល់​បាន​ដោយ​ងាយ (បារ. Renvoi រ៉ង្វ័រ) ។
  7. នយោបាយ ( ន.នាមសព្ទ ) [នៈ-- ]   ( បា.បាលី​ ( បាលីភាសា ) )
    (នយ + ឧបាយ) ឧបាយ​ក្នុង​ការ​ណែនាំ, កល​ល្បិច ឬ​មេ​គំនិត​ដែល​គេ​ផ្ដើម​ឡើង ដើម្បី​ដឹក​នាំ​ជន​ដទៃ​ឲ្យ​ប្រព្រឹត្ត​ទៅ​រក​ទី​ដៅ​យ៉ាង​នេះ ឬ​យ៉ាង​នោះ, កិច្ចការ​ដែល​ទាក់ទង​ដោយ​ការ​គ្រប់គ្រង​រដ្ឋ : គប្បី​ដើរ​តាម​មាគ៌ា​នយោបាយ​នៃ​រដ្ឋ​បុរស ។
  8. នរក ( ន.នាមសព្ទ ) [ន៏រក់]   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    ទី​អបាយ​ភូមិ ឬ​អធោលោក ដែល​មាន​រណ្ដៅ​ជា​លំនៅ​នៃ​សត្វ​មាន​បាប​នៅ​រង​ទុក្ខ​តាម​កម្លាំង​កម្ម​ដែល​ខ្លួន​ធ្វើ : ចុះ​នរក, ធ្លាក់​នរក ។
  9. នរក​កុណ្ឌ ( ន.នាមសព្ទ ) [នៈរៈកៈកុន ]
    រណ្ដៅ​នរក ។
  10. នរឃាត ( ន.នាមសព្ទ ) [នៈរៈ-- ]
    អំពើ​ពិឃាត​មនុស្ស ។ វេវចនៈ មនុស្ស​ឃាត ។

<< Prev   1   2   3   4   5   6   ... 20   Next >>