webease

Khmer-English-Khmer Dictionaries

Chuon Nath's Khmer-Khmer Dictionary
  1. បកិណ្ណក ( គុ.គុនសព្ទ, ន.នាមសព្ទ ) [ប៉ៈកិន-ណៈ កៈ ] or #NAME?   ( បា.បាលី​ ( បាលីភាសា ), សំ.សំស្រ្កឹត ( ភាសាសំស្រ្កឹត ) )
    (បកិណ្ណក; ប្រកិណ៌ក) ដែល​ជា​របស់​រាយ​រង, រាត់​រាយ, បន្ទាប់​បន្សំ : របស់​បកិណ្ណកៈ
    - បកិណ្ណក​កថា កថា​រាយ​រង, បន្ទាប់​បន្សំ ។
  2. បកោដិ ( ប. សំ.បកតិសំខ្យា ( ប្រើត្រឹមតែ សំខ្យា.​ គឺសំខ្យាសព្ទ ក៏មាន ) ) [ប៉កោត ]   ( បា.បាលី​ ( បាលីភាសា ) )
    ឈ្មោះ​បកតិ​សំខ្យា​ថ្នាក់​ខ្ពស់​ចំនួន​មួយ​រយ​សែន​កោដិ (មាន​សូន្យ ១៤) ។
  3. បក់ ( កិ.កិរិយាសព្ទ )
    ធ្វើ​អវយវៈ​ដែល​អាច​កម្រើក​បាន​ឲ្យ​កម្រើក : បក់​កន្ទុយ, បក់​ស្លឹក​ត្រចៀក, បក់​ដៃ ។ កោយ​ប្រមូល​ឲ្យ​មាន​ខ្យល់ ឬ​បោយ​ផ្ងុប​ឲ្យ​មាន​ខ្យល់ : បក់​ផ្លិត, ដេក​មិន​លក់​បក់​មិន​រហើយ ។ ផាត់​ចេញ : បក់​មូស, បក់​ផ្សែង​ចេញ
    - បក់​បោយ បក់​ផង​បោយ​ផង ។
    - ខ្យល់​បក់​រំភើយ​ៗ ខ្យល់​បក់​រហើយ​តិច​ៗ​ល្មម​ត្រជាក់​ស្រួល ។ល។
  4. បក្ខ ( ន.នាមសព្ទ ) [ប៉័ក ដូច​គ្នា​ទាំង​ពីរ ] or បក្ស   ( បា.បាលី​ ( បាលីភាសា ), សំ.សំស្រ្កឹត ( ភាសាសំស្រ្កឹត ) )
    (ចំណែក, ប៉ែក; ចំណែក​ខែ (កន្លះ​ខែ); ចំអេង​ស្លាប; ពួក ។ល។ ច្រើន​និយាយ​ថា បក្ខ​ពួក ឬ ពួក​បក្ខ ឬ​ថា ស្ម័គ្រ​បក្ខ​ពួក។ គណៈបក្ខ ឬ គណៈបក្ស (គណៈ “ពួក, គ្នា, គ្នីគ្នា” + បក្ខ ឬ បក្ស “ប៉ែក, ប៉ែក​ខាង”) ជា​ពាក្យ​ផ្សំ​ដោយ​សន្មតិ​ប្រើ, មាន​អត្ថន័យ​ថា ពួក​មាន​គ្នា​ច្រើន ឬ​ថា ពួក​ទីទៃ​ពី​គ្នា; ប្រើ​ជា គណ​ព័គ្គ ក៏​បាន (មក​ពី គណៈ និង វគ្គ, វ > ព) ។
  5. បក្ខ​គណនា ( ន.នាមសព្ទ ) [ប៉័ក-ខៈគៈ ណៈនា ]   ( បា.បាលី​ ( បាលីភាសា ) )
    ការ​រាប់​បក្ខ គឺ​រាប់​ឲ្យ​ដឹង​ចំណែក​ថ្ងៃ​ខែ​ខ្នើត​រនោច (តាម​ដំណើរ​ព្រះ​ចន្ទ្រ ឬ​តាម​ដំណើរ​ព្រះ​អាទិត្យ) ។
  6. បក្ខ​ព័ន្ធ ( ន.នាមសព្ទ ) [ប៉ាក់-ព័ន ] or បក្ស​ព័ន្ធ   ( បា. សំ. ក្ល.បាលីនិងសំស្រ្កឹតក្លាយ )
    ការ​ចង​បាច់​គ្នា​ជា​ពួក​ជា​ក្រុម​បក្ខ​ពួក ។ សព្វ​ថ្ងៃ​ពាក្យ​នេះ​ប្រើ​សំដៅ​យក​អ្នក​ដែល​មាន​ចិត្ត​ស្ម័គ្រ ឬ​មាន​សេចក្ដី​ស្រឡាញ់​ដោយ​ស្មោះ​ត្រង់​ចំពោះ​មនុស្ស​ឬ​ចំពោះ​កិច្ចការ​ណា​មួយ : បក្ខ​ព័ន្ធ​នៃ​សាធារណ​រដ្ឋ, បក្ស​ព័ន្ធ​ខាង​សង្រ្គាម, បក្ស​ព័ន្ធ​ខាង​សន្តិ​ភាព ។ (បារ. Partisan) ។
  7. បក្ខ​សម្ព័ន្ធ ( ន.នាមសព្ទ ) [ប៉ាក់-សំ-ព័ន ] or បក្ស​សម្ព័ន្ធ   ( បា. ឬ សំ. ក្ល.None )
    ការ​ចង​បាច់​គ្នា​ជា​ពួក​ជា​ក្រុម ដើម្បី​ពង្រឹង​កម្លាំង​ឲ្យ​បាន​រឹងប៉ឹង​មុតមាំ; ពួក​មនុស្ស​ឬ​ប្រជា​ពលរដ្ឋ​ដែល​ប្រមូល​ផ្ដុំ​គ្នា​ជា​ពួក​ដើម្បី​ប្រឆាំង​ទប់​ទល់​នឹង​ខ្មាំង​សត្រូវ : ប្រទេស​នេះ​មាន​បក្ខ​សម្ព័ន្ធ​ដ៏​រឹងប៉ឹង​ណាស់ សត្រូវ​មិន​អាច​នឹង​ចូល​លុកលុយ​ជិះ​ជាន់​បាន​តាម​អំពើ​ចិត្ត​ទេ ។ (បារ. Clanligue) ។
  8. បក្ស
    (ម. ព.មើលពាក្យ ( ចូរមើលពាក្យ . . . ) បក្ខ) ។
  9. បក្សា ( ន.នាមសព្ទ ) [ប័ក-សា ]   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    (បក្ខា “ចំណែក​ទាំងឡាយ, ស្លាប​ទាំងឡាយ,...”) សត្វ​ស្លាប​ទាំងឡាយ (ខ្មែរ​យើង​ប្រើ​តាម​ទម្លាប់ សំដៅ​ចំពោះ​តែ​ពួក​សត្វ​ស្លាប​ឈ្មោល) ។
  10. បក្សី ( ន.នាមសព្ទ ) [ប័ក-សី]   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    (បក្សិន៑ > បក្សី; បក្ខី) សត្វ​មាន​ស្លាប (សត្វ​ស្លាប) : ខ្មែរ​យើង​ច្រើន​ហៅ​ចំពោះ​តែ​សត្វ​ស្លាប​ញី; ប៉ុន្តែ សំ. បក្សិណី; បា. បក្ខិនី “សត្វ​ស្លាប​ញី” ។

<< Prev   1   2   3   4   5   6   ... 20   Next >>