-
បង់ម្សៀត
(ម. ព.មើលពាក្យ ( ចូរមើលពាក្យ . . . ) បង់សៀត) ។
-
បង់សៀត
( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
or បង់ម្សៀត
ដែលអសារឥតការ, ដែលបោះបង់ចោល : ខូចបង់សៀត, ដាក់ចោលបង់សៀត ឬខូចបង់ម្សៀត ។ សរសេរជា បង្សៀត ក៏បាន ពីព្រោះ ស ជា អ វគ្គ អាចនៅក្រោម ង បាន, ដូចជា ពង្ស, អង្សា ជាដើមនោះដែរ ។ ម. ព.មើលពាក្យ ( ចូរមើលពាក្យ . . . ) ម្សៀត ទៀតផង ។
-
បង់សំណាញ់
( កិ.កិរិយាសព្ទ )
លោតគ្រវែងខ្លួនប្រហែលដូចគេបង់សំណាញ់ : ឆ្មាបង់សំណាញ់ ។
-
បង់ឃ្លាត
( កិ.កិរិយាសព្ទ )
ធ្វើឲ្យឃ្លាត, ធ្វើឲ្យឃ្លាតពីគ្នា : បង់ឃ្លាតរបង, បង់ឃ្លាតឲ្យវាបែកពីគ្នា ។
-
បង់ចំទាញ
(ម. ព.មើលពាក្យ ( ចូរមើលពាក្យ . . . ) បង់ជំទាញ) ។
-
បង់ជំទាញ
( កិ.កិរិយាសព្ទ )
or បង់ចំទាញ
កន្ធាំងជើង ជ្រែងដៃទាំងពីរ គូទរាបផ្ទាល់នឹងផ្ទៃដែលអង្គុយ : អង្គុយបង់ជំទាញ (ម. ព.មើលពាក្យ ( ចូរមើលពាក្យ . . . ) ចំទាញ ឬ ជំទាញ ផង) ។
-
បង្ក
( កិ.កិរិយាសព្ទ )
[បង់-ក ]
ធ្វើឲ្យកកើតឡើង : បង្កហេតុ, បង្កជម្លោះ, បង្កក្ដី ។
- បង្កបង្កើត ធ្វើឲ្យកកើតឡើង ។
-
បង្កក
( កិ.កិរិយាសព្ទ )
ធ្វើឲ្យកក : បង្កកខ្លាញ់ ។
-
បង្កក់
( កិ.កិរិយាសព្ទ )
[បង់-កក់]
ធ្វើឲ្យមានជោគជ័យ, ឲ្យមានស្រីសួស្ដី, ឲ្យសម្រេចប្រយោជន៍តាមបំណង, ឲ្យកក់ក្ដៅពេញចិត្តមានសង្ឃឹម ។
- បង្កក់ចង្រៃ រៀបពិធីរម្ងាប់ចង្រៃ ដោយមានហេតុពីភាល់ភ័យបារម្ភថា មុខជានឹងមានអពមង្គលចូលមកឲ្យទុក្ខទោសពុំខាន ។
- បង្កក់ឆ្មប រៀបពិធីមង្គលឲ្យឈ្មោះកូនខ្ចី ព្រមទាំងជូនរង្វាន់ដល់ឆ្មបផង (ព. ខ្ព. ឬ រ. ស. ហៅ នាមគ្គហណមង្គល) “មង្គលកំណត់នាម, មង្គលឲ្យឈ្មោះ”); មង្គលនេះគេធ្វើក្នុងកាលដែលកូនកើតហើយបាន ៣ ថ្ងៃ ឬ ៧ ថ្ងៃក៏មាន ។
- បង្កក់ប្រសិទ្ធិ (--សិត) រៀបហោមពិធីបូជាប្រសិទ្ធីដើម្បីឲ្យមានស្រីសួស្ដី ជោគជ័យតេជះ ឲ្យបានសម្រេចប្រយោជន៍សមតាមបំណងដែលផ្គងឡើងក្នុងចិត្ត (ធ្វើតាមទម្លាប់ជំនឿ) ។
-
បង្កង
( ន.នាមសព្ទ )
សត្វអដ្ឋិចម្មជាតិពួកមួយ មានជើងវែងៗ មានតង្កៀប, មានព្រុយត្រង់ពោះ, ក្បាលស្រួច, មានពុកមាត់វែងរឹងហៅថា ពុកបង្កង, ជាសត្វកើតនៅក្នុងទឹកសាបក៏មាន ក្នុងទឹកប្រៃក៏មាន, មានរូបសណ្ឋានផ្សេងៗគ្នា ។
<< Prev 1 2 3 4 5 6 ... 20 Next >>
