Khmer Dictionary: រក

Chuon Nath's Khmer-Khmer Dictionary

រក ( កិ.កិរិយាសព្ទ )
សង្វាតឬស្វែងឲ្យចួប, ឲ្យប្រទះ, ឲ្យឃើញ, ឲ្យបានដូចបំណង : រកគោ, រកទិញស្រូវ, រកទ្រព្យ, រកឧស ។ ពឹងគេ, ស្ដីគេ : រកគេឲ្យជួយប្រក់ផ្ទះ, រកគេមកដេកកំដរ ។
- រកខុសរកត្រូវ ពិនិត្យឲ្យឃើញខុសត្រូវ ។
- រកខ្យល់ ឬ
- រកខ្យល់រកដង្ហើម ត្រដរប្រឹងឲ្យមានខ្យល់ដង្ហើម, ខំប្រឹងត្រដរដកដង្ហើម ។
- រកគ្នា ស្វែងឲ្យបានគ្នា, ស្វែងឲ្យបានចូបគ្នា ។
- រកដើមរកចុង ពិនិត្យសង្កេតឲ្យឃើញដើម ឃើញចុង ។
- រកទោស សង្កេតឲ្យឃើញទោស ។
- រកប្រពន្ធ ស្វែងឲ្យបានប្រពន្ធ, ស្ដីប្រពន្ធ, ។
- រកប្រាក់គេ សុំប្រាក់គេ; ខ្ចីប្រាក់គេ ។
- រកពុត សង្កេត, ពិនិត្យឲ្យឃើញពុត; ដេញពុត ។
- រកពុទ្ធោ លាន់មាត់រកព្រះពុទ្ធថា ពុទ្ធោ !, ពុទ្ធោ ពុទ្ធោ !, ឱពុទ្ធោ !, ឱពុទ្ធោ ពុទ្ធោ !, ពុទ្ធោអើយ !, ឱពុទ្ធោអើយ ! (--អ្ហើយ) ។
- រកមុខ សង្កេតឬបញ្ជាក់ ឲ្យឃើញមុខ, ឲ្យស្គាល់មុខ ។
- រកស៊ី ប្រកបកិច្ចការឲ្យបានទ្រព្យធន, ប្រឹងធ្វើរបរចិញ្ចឹមជីវិត ។
- រកហេតុ ឬ រករឿង សន្សំ, ពិនិត្យ, សង្កេត, ស្វែងឲ្យឃើញហេតុ ឬ ឲ្យកើតបានជារឿង, ឲ្យឃើញ ដំណើរ ។ល។
រកម
(ព. ម. ល្កម) ។
រកា ( ន.នាមសព្ទ )
ឈ្មោះឈើព្រៃមួយប្រភេទ សន្តាននឹងគដើមមានបន្លាធំៗរង្វើលៗ ផ្លែតូចៗខ្លីៗជាងផ្លែគ មានប៉ុយសាច់ម៉ដ្ឋត្រសុសសម្បុរសស្រអាប់ : ប៉ុយរកា ។
រកា ( ន.នាមសព្ទ )
ឈ្មោះឆ្នាំទី ១០ (មាន់) : ឆ្នាំរកា ។
រកាំ ( គុ.គុនសព្ទ )
ដែលរកៀសៗក្នុងភ្នែកមើលចំពន្លឺពុំបាន : ភ្នែករកាំ; ប្រើជា កិ. ក៏បាន : រកាំភ្នែក ។
- រកាំចិត្ត រង្កៀសចិត្ត; ក្រំចិត្ត ។
រកាំ ( ន.នាមសព្ទ )
ឈ្មោះឈើមួយប្រភេទ ធាងវែងៗ មានបន្លារឹង ស្លឹកស្រដៀងនឹងផ្ដៅសោម : ដើមរកាំ ។
រកាំរកូស ( កិ.កិរិយាសព្ទ )
មានមោះមៃនឹងគ្នាមិនសូវស្រាក; ដែលចេះតែប្រដាក់ប្រទុក្ខ, រើរុះ, រអាក់រអួល មិនជាប្រក្រតី : ចេះតែរកាំរកូសនឹងគ្នា; មនុស្សរកាំរកូស, ចិត្តរកាំរកូស, គំនិតរកាំរកូស ។
រកាដែក ( ន.នាមសព្ទ )
ឈ្មោះឈើរកាមានបន្លាសុទ្ធតែដែកដុះនៅឋាននរក សម្រាប់ពួក និរយបាលកំហែងឲ្យសត្វនរកដែលមានបាបប្រតោងឡើង ព្រោះកាលនៅជាមនុស្សជាអ្នកលួចប្រពន្ធឬលួចប្តីគេ (ពោលតាមគម្ពីរខាងពុទ្ធសាសនា) ។
រកឹក ( ឧ.ឧទានសព្ទ )
សូរឮកឹកៗរឿយៗ : បាយាបតឿនរកឹក ។ សូរឮដោយសើចញាប់រន្ថាន់តែតិចៗ : សូរសើចរកឹក (ម. ប្រ., ច្រើននិយាយថា សើចកខឹក ឬ កក្អឹក) ។
រកឹង ( គុ.គុនសព្ទ )
ដែលមើលទៅឃើញឆ្កឹងៗរាយៗរង្វើលៗ : បង្គោលរកឹង ។

1 2 3 Next >>

Headley's Khmer-English Dictionary

រក ( prenp ) [rɔɔk, rɔɔ] - detail »
to, for
រក ( v ) [rɔɔk, rɔɔ] - detail »
to look / search for, seek; to look up; to see, to visit; to request, ask for, ask someone to do something; to try; to think about, plan / intend to
រកម - detail »
See: ល្កម
រកា ( n ) [rɔkaa] - detail »
cock (name of the 10th year of the 12-year cycle)
រកា ( n ) [rɔkaa] - detail »
wild kapok tree (Bombax Ceiba; the trunk is covered with short thorns; the wood is used in construction and the roots are used in the preparation of medications to treat diseases of the ovaries)
រកាំ ( adj ) [rɔkam] - detail »
(of the eyes) to have an irritation, be irritated; to be annoyed
រកាំ ( n ) [rɔkam] - detail »
kind of thorny plant
រកឹក ( i ) [rɔkək] - detail »
giggling or laughing sound
រកឹង ( adj ) [rɔkəŋ] - detail »
to be prominent / sticking out (as fence posts or the bones of an emaciated person)
រកូត ( adj ) [rɔkoot] - detail »
to be scattered about (as islands in the sea) eg. កោះរកូតក្នុងសមុទ្រ . islands dotting the sea

Next >>