Khmer Dictionary: រក្ស

Chuon Nath's Khmer-Khmer Dictionary

រក្ស ( កិ.កិរិយាសព្ទ ) [រ័ក ] ( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
(រក្ខ) រក្សា ។ ខ្មែរប្រើពាក្យនេះរួមចូលនឹងសព្ទដទៃឲ្យជាបទសមាស ជាឋានន្តររបស់មន្ត្រី ឬ ជានាទីជាតំណែងណាមួយ ដូចជា :
- គទានុរក្ស អ្នករក្សាដំបង (ឋានន្តរសម្រាប់អភិបាលខែត្របាត់ដំបង, សំដៅសេចក្ដីថា “អ្នករក្សាខែត្របាត់ដំបង”);
- គ្រឹហានុរក្ស ការរក្សាគ្រឹហា, អ្នករក្សាផ្ទះ, អ្នកចាំផ្ទះ;
- ធនានុរក្ស ឬ - ធនាភិរក្ស ការរក្សាទ្រព្យ, អ្នករក្សាទ្រព្យ;
- ធម្មានុរក្ស ការរក្សាធម៌, អ្នកកាន់តាមធម៌;
- វាចានុរក្ស ការរក្សាសម្ដី, អ្នករក្សាសម្ដី, អ្នកប្រយ័ត្នសម្ដី, ប្រយ័ត្នមាត់;
- វិនយានុរក្ស ការរក្សាវិន័យ, ការកាន់ច្បាប់, អ្នកកាន់ច្បាប់;
- សច្ចានុរក្ស ឬ - សត្យានុរក្ស ការកាន់ពាក្យពិត, អ្នកកាន់ពាក្យសត្យ;
- សិក្ខានុរក្ស ការកាន់សិក្ខា, អ្នកកាន់សិក្ខា (អ្នកប្រព្រឹត្តតាមសិក្ខាបទ);
- ហិរញ្ញានុរក្ស ឬ - ហិរណ្យានុរក្ស ការរក្សាប្រាក់, ការទុកដាក់ប្រាក់មាស, អ្នករក្សាប្រាក់, អ្នកទុកដាក់ប្រាក់មាស ។ល។
រក្សា ( កិ.កិរិយាសព្ទ ) [រ័ក-សា ] ( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
(រក្ស; រក្ខ) ថែ, ថែទាំ; បីបាច់, ចិញ្ចឹម; កាន់; កាន់កាប់; ការពារ; ប្រយ័ត្ន : រក្សាទ្រព្យ, រក្សាខ្លួន, រក្សាមារយាទ, រក្សាសីល ។
- រក្សាធិក្រឹត អ្នកកាន់ការរាជការក្នុងទីប្រជុំសង្កាត់ (អភិបាលស្រុក)។
- រក្សាភិបាល អ្នកគ្រប់គ្រងរក្សាដោយការប្រយ័ត្ន; ខ្មែរប្រើពាក្យនេះជាឋានន្តរសម្រាប់នាយសង្កាត់ : ពញារក្សាភិបាល, ចួនកាលឡើងជាទីឃុន ឬជាទីហ្លួងក៏មាន : ឃុនរក្សាភិបាល, ហ្លួងរក្សាភិបាល ។
- រក្សាព្រះអង្គ ឈ្មោះក្រុមទាហានសម្រាប់រក្សាព្រះអង្គព្រះករុណាជាអម្ចាស់ជីវិត : ក្រុមរក្សាព្រះអង្គ, ទាហានរក្សាព្រះអង្គ។
- រក្សាស្រុក ឈ្មោះក្រុមទាហានសម្រាប់ការពារកម្ពុជរដ្ឋ : ក្រុមរក្សាស្រុក, ទាហានរក្សាស្រុក; សម័យនេះហៅ ខេមរភូមិន្ទ ។ល។
រក្សាព្រះអង្គ
(មើលក្នុងពាក្យ រក្សា)
រក្សាភិបាល
(មើលក្នុងពាក្យ រក្សា)
រក្សាស្រុក
(មើលក្នុងពាក្យ រក្សា)

Headley's Khmer-English Dictionary

រក្ស ( n ) [reak] - detail »
guard, keeper, custodian (of something); duty officer, person on duty; (commonly occurs as a suffix in Indic compounds where it means `guarding, taking care of; one who guards or protects')
រក្ស ( v ) [reak] - detail »
to live a conjugal life

Reference: រក្សរួម
រក្សសី ( n ) [reaksaʔsəy] - detail »
mermaid
រក្សសៈ ( n ) [reaksaʔsaʔ] - detail »
Rakshasa (member of a class of demons in Indian mythology)
រក្សា ( v ) [reaksaa] - detail »
to take care of, protect; to keep, maintain; to observe, pay attention to, watch
Eg. ... ក៏ពិតមែនតែខ្ញុំបានរក្សានូវជំហរច្បាស់ លាស់មួយ ...។: truly I have been able to maintain a clear position ....