Khmer Dictionary: ល
Chuon Nath's Khmer-Khmer Dictionary
-
លង់
( កិ.កិរិយាសព្ទ )
ជ្រុល, ស៊ុន, ហួស : លង់គំនិត, លង់ដៃ, លង់សម្ដី ។
- លង់ទឹក លិចក្នុងទឹកត្រដរហែលឡើងពុំរួច ។
- លង់ ឬ - លង់លុះ និ. លុះដល់, ហួសមកដល់, ដរាបមកដល់ (ព. កា.ពាក្យកាព្យ គឺពាក្យសម្រាប់ប្រើក្នុងកាព្យ) : លង់លុះអធ្រាត្រ ស្តេចយាងព្រះបាទ ចូលក្នុងដំណាក់ ទតឃើញអាមាត្យ រាជសេវ័ក ឥតសល់មួយនាក់ លក់លង់ស្ងាត់សូន្យ ។ គុ. យូរពេក, យូរក្រៃ : អស់កាលដ៏លង់ ឬ --ដ៏យូរលង់ (ព. កា.ពាក្យកាព្យ គឺពាក្យសម្រាប់ប្រើក្នុងកាព្យ) : អស់កាលយូរលង់ ព្រះពោធិពង្ស ទ្រង់សាងសីលា ពុំមានប្រមាទ ឲ្យឃ្លាតចរិយា ទើបមហាក្សត្រា ភ្នកនឹកដល់ទាន ។
-
លង់ទ្រនេស
( កិ.កិរិយាសព្ទ )
ដួលដេកជាប់ក្រោកទៅណាពុំរួច : គោចាស់លង់ទ្រនេសនៅក្បែរភូមិ; ដួលលង់ទ្រនេស ។ ព. ប្រ. អស់ប្រាក់ចាយ ឬអស់ស្បៀងអាហារ ទាល់ផ្លូវទាល់ដំណើរទៅណាពុំរួច : អស់ប្រាក់ចាយលង់ទ្រនេសនៅស្រុកគេជាងមួយខែ ។
-
លង់លុះ
( និ.និបាតសព្ទ )
លុះដល់ : លង់លុះយប់ស្ងាត់, លង់លុះអធ្រាត្រ (មើលក្នុងពាក្យ លង់ ផង) ។
-
លង់ហិន
( ន.នាមសព្ទ )
or លង្ហិន
លោហៈមួយប្រភេទសាច់រឹងស្រួយ កើតអំពីរំលាយផ្សំលោហជាតិ ច្រើនមុខបញ្ចូលគ្នា : ផ្តិលលង់ហិន, កាំបិតលង់ហិន ។
-
លង្កា
( ន.នាមសព្ទ )
[លុ័ង-កា ឬ ល៉ង់-កា]
( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
ឈ្មោះកោះធំមួយ ក្នុងមហាសមុទ្រឥណ្ឌា នៅខាងត្បូងមធ្យមប្រទេស (ហៅ លង្កាទ្វីប ក៏បាន; បារ. សៃឡង់ Ceylan; អ. សៃឡន Ceylon; ម. ព.មើលពាក្យ ( ចូរមើលពាក្យ . . . ) សីហលៈ ផង) ។
-
លង្កាទ្វីប
( ន.នាមសព្ទ )
[លុ័ង-កា-- ]
( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
(--ទីប) កោះលង្កា ។
-
លង្ឃនៈ
( ន.នាមសព្ទ )
[ល័ង-ឃៈនៈ ]
( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(លង្ឃន) ដំណើរលោត, ការផ្លោះរំលង ។
- លង្ឃនកម្ម ការហាត់លោត, ហាត់ផ្លោះ ។
- លង្ឃនកីឡា ល្បែងលោត, ល្បែងហក់ផ្លោះរំលង ។ល។
-
លង្វែក
( ន.នាមសព្ទ )
កាលឬសម័យជាចន្លោះ, ជារវាង : លង្វែកសាសនា ។ ទីឬច្រកជាចន្លោះ, ជារវាង : ដើរតាមលង្វែកផ្ទះ ។
-
លង្វែក
( ន.នាមសព្ទ )
ឈ្មោះខែត្រមួយក្នុងកម្ពុជរដ្ឋពីសម័យបុរាណ, តមក តាំងជាស្រុកហៅថា ស្រុកលង្វែក នៅក្នុងខែត្រកំពង់ឆ្នាំង, លុះចំណេរតមកក្រោយទៀត ដាក់ទៅជា ស្រុកកំពង់ត្រឡាចវិញ នៅក្នុងខែត្រដដែល ដរាបដល់សព្វថ្ងៃ ។ ឈ្មោះបន្ទាយមួយជារាជធានីចាស់របស់កម្ពុជរដ្ឋ, ឋិតនៅខាងទិសឦសាននៃបន្ទាយឧដុង្គមានជ័យ : បន្ទាយលង្វែក; សព្វថ្ងៃនេះ ត្រង់បន្ទាយចាស់នោះ រាជរដ្ឋាភិបាលបានតាំងជាបន្ទាយខេមរភូមិន្ទ មិនឲ្យបាត់ដំណែលចាស់ ។
-
លង្ហិន
(ម. ព.មើលពាក្យ ( ចូរមើលពាក្យ . . . ) លង់ហិន) ។
<< Prev 1 2 3 4 5 6 ... 20 Next >>