Khmer Dictionary: ឧស្សាហៈ

Chuon Nath's Khmer-Khmer Dictionary

ឧស្សាហៈ ( ន.នាមសព្ទ ) [អ៊ុស-សាហៈ ] or ឧស្សាហ៍ ( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(ឧស្សាហ; ឧត្សាហ) សេចក្ដីឱហាត, សេចក្ដីខ្មីឃ្មាតឬសង្វាត, ការខំប្រឹងមិនខ្ជិល, មិនច្រអូស : មានឧស្សាហៈ, មានឧស្សាហ៍ធ្វើការ (ប្រើជា ឧត្សាហៈ ឬ ឧត្សាហ៍ ក៏បាន, អ. ថ. អ៊ុត-ត្សាហៈ ឬ អ៊ុត-ត្សា ឬក៏ អ៊ុតសាហៈ, អ៊ុត-សា ។ ប្រើក្លាយជា ឱសាហ៍ ក៏មាន) ។ ខ្មែរប្រើជា កិ. ក៏បាន “ឱហាត, សង្វាត, ខំប្រឹង” : ឧស្សាហ៍ធ្វើការ, ឧស្សាហ៍រៀនសូត្រ (ច្រើននិយាយថា ឱសាហ៍ ផង) ។ រ. ស. : ទ្រង់ព្រះឧស្សាហ៍ ។ ប្រើជា គុ. ក៏មាន “ដែលមានព្យាយាម, ដែលជាអ្នកឱហាត, សង្វាត, ខំប្រឹង” : មនុស្សឧស្សាហ៍, ក្មេងឱសាហ៍ (ព. ផ្ទ. ខ្ជិល) ។ ព. កា.ពាក្យកាព្យ គឺពាក្យសម្រាប់ប្រើក្នុងកាព្យ ប្រដៅកូន: ហៃកូនរាល់គ្នា ត្រូវមានឧស្សាហ៍ កុំខ្ជិលច្រអូស កម្ជិលទ័លក្រ ដូចដើរដួលស្រូស សុំគេងងូស ព្រលូសកេរ្តិ៍ឈ្មោះ។ បើរៀងភ្ជាប់ពីខាងដើមសព្ទដទៃ សរសេរជា ឧស្សាហ ឬ ឧត្សាហ (អ៊ុស-សាហៈ ឬ អ៊ុត-ត្សាហៈ), ដូចជា : ឧស្សាហកម្ម ការដែលកើតមានឡើងដោយសេចក្ដីខំប្រឹងធ្វើ ។ ព. ស. ស. ការធ្វើរបស់អ្វីៗឲ្យកើតបានជាជំនួញទួទៅ, ការបង្កើតរបស់ប្រើប្រាស់តាមសម័យនិយម : រោងឧស្សាហកម្ម ។
- ឧស្សាហករ,
- --ការ ឬ - ឧត្សាហ-- អ្នកធ្វើឧស្សាហកម្ម, ជាងឧស្សាហកម្ម: ពួកឧស្សាហករ (បើស្ត្រីជា ឧស្សាហការិកា) ។
- ឧស្សាហកិច្ច ឬ - ឧត្សាហក្រឹត្យ ការរវល់ដោយឧស្សាហកម្ម ។
- ឧស្សាហជន ឬ - ឧត្សាហ-- ជនអ្នកមានឧស្សាហៈ ។
- ឧស្សាហពល ឬ - ឧត្សាហ-- (--ពល់) កម្លាំងនៃឧស្សាហៈ ។
- ឧស្សាហភាព ឬ - ឧត្សាហ-- ភាពឬដំណើរនៃឧស្សាហៈ, ភាពជាអ្នកមានឧស្សាហៈ ។ ឧស្សាហូបនីយកម្ម (--ប៉ៈ នីយៈ--) ការលៃលកកែខៃធ្វើឲ្យបានកើតទៅជាឧស្សាហកម្ម ។ល។ មហុស្សាហៈ ឬ មហុស្សាហ៍ (បា. < មហា + ឧស្សាហ) ឧស្សាហៈធំ, ឧស្សាហ៍ច្រើន, ព្យាយាមមាំ, ព្យាយាមធំ ។ល។

Headley's Khmer-English Dictionary

ឧស្សាហៈ ( n ) [ʔussaa, ʔuhsaahaʔ] - detail »
seriousness, endeavor, perseverance, industry, diligence, strong effort(s)
ឧស្សាហៈ ( v ) [ʔussaa, ʔuhsaahaʔ] - detail »
to study, work hard, try hard.
ឧស្សាហៈ ( adj ) [ʔussaa, ʔuhsaahaʔ] - detail »
to be industrious, diligent.
ឧស្សាហៈ ( adv ) [ʔussaa, ʔuhsaahaʔ] - detail »
diligently; frequently, often
Eg. កូនលោកឧស្សាហ៍រៀនណាស់: Your child is very diligent in his studies.