១. អូនអើយមើលនោះៗសត្វទីទុយ​ (បន្ទរស្រី៖ អើងអើយ អូនអើយមើលនោះៗសត្វទីទុយ)
វាដុះជុកក្រង៉ុយៗគេហៅទីទុយពើតពើង (បន្ទរស្រី៖ វាដុះជុកក្រង៉ុយៗគេហៅទីទុយពើតពើង) ។

២. ក្រសារពាំកន្សែងទុំដើមក្រសាំង (បន្ទរស្រី៖ អើងអើយ ក្រសារពាំកន្សែងទុំដើមក្រសាំ) អីយ៉ះសត្វស្ទាំងវាហើរស្ទុយម៉ុមអើយសំដៅទៅស្រុកស្ទោង (បន្ទរស្រី៖ អីយ៉ះសត្វស្ទាំង​វាហើរ​ស្ទុ​​យ​ម៉ុមអើយសំដៅទៅស្រុកស្ទោង)។

៣. សត្វមៀមពាំមួកៗមកពីស្រុកមោង (បន្ទរស្រី៖ អើងអើយ សត្វមៀមពាំមួកៗមកពីស្រុកមោង)
គ្រលីងគ្រលោងអីពាំក្រឡតម្រង់ទៅបរតាំងស៊ូ (បន្ទរស្រី៖ គ្រលីងគ្រលោងអីពាំក្រឡតម្រង់ទៅបរតាំងស៊ូ) ។

៤. អូនអើយមើនោះលលកវាព្រាត់គូ (បន្ទរស្រី៖ អើងអើយ អូនអើយមើនោះលលកវាព្រាត់គូ)
វាយំគូកគ្រូអីគូកគ្រូ ម៉ុមអើយវាគូកហៅមេ (បន្ទរស្រី៖ វាយំគូកគ្រូអីគូកគ្រូ ម៉ុមអើយវាគូកហៅមេ) ។

៥. មើលនោះត្រីស្លាតភ្នែកស្លឹងសម្លឹងភេ (បន្ទរស្រី៖ អើងអើយមើលនោះត្រីស្លាតភ្នែកស្លឹងសម្លឹងភេ)
វាហែលភីងហាមាត់ជេរថាអាសត្វចង្រៃ (បន្ទរស្រី៖ វាហែលភីងហាមាត់ជេរថាអាសត្វចង្រៃ) ។

គូក=បូលរកគ្នា, ជុក=កំប៉ោយ, កំប៉ូតសក់