១. (ស) នែៗលោកប្ដី មើលគេអីចឹងម្ល៉េះ
មើលគេយ៉ាងនេះ ប្រយ័ត្នគេខឹង
(ប) អូយៗ សូមទោស បងធ្លាប់តែអីចឹង
គេស្អាតម្ល៉ឹងៗមិនឲ្យបងមើលម្ដេចបាន។

២. (ស) មើលគេតិចតួច អូនមានតែថាអី
តែលោកប្ដីងាកសឹងបាក់ក
(ប) ណ្ហើយចុះព្រលឹងបងសូមអង្វរ
ងាកសឹងបាក់កព្រោះកម្រឃើញស្អាតអីចឹង។

៣. (ស) យីស!បងឯងខូចណាស់
ឲ្យតែប្រទះភ្លេចខ្លួនភ្លេចប្រាណ
ឃើញស្រីៗមិនបាន
តាមគយគន់គេភ្លាម។

៤. (ប) ពិបាកចិត្តណាស់ទៅណាយកប្រពន្ធតាម
(ធុញណាស់ទៅហ្អី) មានច្បាប់ហាមមិនឲ្យមើលគេ
ច្បាប់អីតឹងម្ល៉េះ ដូចសេះបាំងភ្នែកទាំងពីរ
ថ្ងៃក្រោយកុំថា បងឲ្យអូននៅផ្ទះម្ដង។

ពោល៖ (ប) ហ៊ឺ!គ្រាន់តែមើលគេបន្តិចបន្តួច ក៏មិនបានដែរ លើកក្រោយបងយកវ៉ែនតាសេះមកឲ្យបងពាក់ណាអូន ដូចសេះអីចឹងទៅណា កុំឲ្យបងមើលស្រីៗតទៅទៀត (ស) បងឯងនេះ ឲ្យតែឃើញមិនបានតែម្ដង (ប) បងមើលស្រីៗ ឲ្យវាចម្រើនកម្លាំងបងណា ដើម្បីអូនទេ (ស) បងឯងចេះតែថាហើយ..

បន្ទរ៖ (៣ - ៤)
ជាទីបញ្ចប់៖ ពោល៖ (ស) បងឯងចេះតែអីចឹងហើយ ស្អប់ណាស់ (ប) ឥតស្អប់ទេ (ស) ថយចេញទៅ!