១) កាត់ចិត្តម្តេចបានធ្លាប់រស់នឹងគ្នា ម្តេចនៅចងពៀរនឹងអូនដល់ណា 
អូនផ្ញើបណ្តាំផ្តាំតាមអក្ខរា សូមម្ចាស់ចិន្តា មេត្តាដល់ស្រី ។ 
២) ដើមស្រូវក្នុងស្រែឥតប្រែរូបទេ សម្បថប្រុសស្នេហ៍ ប្រែផ្លាស់រឿងថ្មី 
ប្រពន្ធធ្លាប់ស្មោះក៏អស់មានន័យ ភ្លេចស្ទឹងមានជ័យទឹកដីស្នេហ៍អើយ ។ 
បន្ទរ) សូមបងវិលវិញសមតាមបំណង អូនសច្ចាផ្សងទាំងទ្រូងសៅហ្មង គ្មានពេលណាស្បើយ 
វិមានស្នេហ៍ស្រីអ័ព្ទរស្មីហើយ សល់តែចំលើយ ឆ្លើយតាមសំដីរបស់ទឹកភ្នែក ។ 
៣) ពូកខ្នើយធ្លាប់គេងបែកផ្សែងងងឹត ទុក្ខស្នេហ៍រួតរិត ទ្រូងអូនស្ទើរបែក 
ទោះជាអូនសើច សើចទាំងទឹកភ្នែក ចាំផ្លូវថ្ងៃស្អែក ស្អែកមួយពាន់ដង ។