១. ក្លិនអើយក្រអូប ក្លិនបងស្រូបមិនណាយ (ពីរដង)
ក្លិនខ្លួនឆោមឆាយចិត្តបងខ្វល់ខ្វាយស្ដាយខ្លួននួនស្រី
មិនចង់ឲ្យព្រាត់មិនឲ្យរសាត់បាត់ពីនាសា។

២. ក្លិនអើយគ្មានពីរឆ្នើមនារីលោកា (ពីរដង)
បងសែនស្នេហាហ៊ានក្ស័យជីវ៉ាណាព្រលឹងអើយ
អូនមិនជឿប្រុសបងហ៊ានទម្លុះឆ្លុះមើលថ្លើមចិត្ត។

៣. ក្លិនខ្លូននួនស្រីក្លិនពិសីវរមិត្រ (ពីរដង)
បងធ្លាប់ជួបជិតឱបថ្នមរួមរឹតដិតដាមក្លិនស្រី
បងមិនឲ្យឃ្លាតយើងស្នេហ៍គ្រប់ជាតិឃ្លាតក្លិនមិនបាន។

បន្ទរ ១.