១. (ប) ភ្ញៀវមកដល់ហើយ
ម្ដេចផ្ទុំព្រងើយកន្តើយធ្វើហី
បងមកពីឆ្ងាយជូរមាត់តិចអី
ម្លូស្លាបារីក៏មិនទទួល។

២. (ស) ទុក្ខគេប៉ិនភ្នំ
ម្ដេចមកបង្ខំធ្វើឫកបែបស្រួល
គ្មានពេលឯណានឹងចេញទទួល
(ប) ស្ដាប់សិននិមលអូនទតអ្វីនេះ។

៣. (ប) បទុមសុរិយា (ស) ហ៊ឺៗៗៗៗ
(ប) រូបបងនេះណា ជាព្រះជិនវង្ស (ស) ហ៊ឺៗៗៗៗ
(ប) បងខំស្កាត់មកក៏ព្រោះឆោមយង់
(ស) ឱ ព្រះជិនវង្ស (ប) ហ៊ឺៗៗៗៗ
(ស) ព្រះជិនវង្សបង គូជីវិតអូន។

៤. ពោលៈ (ស) អូនព្រួយអនេក
ដល់វេលាស្អែកយើងនឹងបែកគ្នា
ព្រោះយក្សអសុរកាយវាតាមផ្ដន្ទារ
ឲ្យយើងបែកគ្នា ស្អែកនេះហើយបង

៥. (ប) សូមអូនកុំភ័យ
រឿងយក្សចង្រៃរៀមស៊ូរ៉ាប់រង
(ស) អូនអរខ្លាំងណាស់ព្រះជិនវង្សបង
(ប) កែវកុំសៅហ្មងបទុមសុរិយាអូន។

បន្ទរ ៣. និង ៥. ដោយគ្មាន ៤.

ទីបញ្ចប់ៈ ហ៊ឺៗៗៗៗ (គ្រហ៊ឹមរួមគ្នា) ហ៊ឺៗៗៗៗ។