I. បើមិនស្រឡាញ់សូមតែអាណិត កុំធ្វើបាបចិត្តឲ្យបងចំបែង
យប់ថ្ងៃបងគេងកើតទុក្ខម្នាក់ឯង វីវក់វង្វេងនឹងខ្នើយទឹកភ្នែក។

II. បើមិនស្រឡាញ់កុំចងចិត្តស្នេហ៍ ព្រោះតែមាសមេទ្រូងបងស្ទើរបែក
អន្លង់ស្នេហ៍កម្មរំដួលលង្វែក ឲ្យរៀមទឹកភ្នែកព្រោះស្នេហ៍រូបស្រី។

R. តើមានមន្តអ្វីស្រីចងបងបាន តាំងពីឃ្លាតប្រាណបងតែងស្រមៃ
ដើរដេកអង្គុយក៏ឃើញតែថ្លៃ ហាក់នៅថ្មីៗស្រដីរកបង។

III. ទប់ចិត្តមិនបានទប់ប្រាណមិននឹង រំដួលព្រលឹងលង្វែកស្នេហ៍ស្នង
បំភ្លេចចោលចុះរឿងដែលកន្លង អាសូររៀមផងណារំដួលអឺយ។

សាដើម ៖ R-III