១. កាលបងទៅរៀន ចិត្តអូនរន្ធត់ ពៅផ្ញើសំបុត្រ នឹកបងស្ទើរផុត ជីវិតទៅហើយ រៀបរាប់ពាក្យពេចន៍ កុំបំភ្លេចឡើយ ស្រីម៉ុមអូនអ្ហើយ ថាចិត្តអូនព្រួយ យំសែនស្រណោះ ។ 

២. ម្តាយអូនឫស្យា ប្រហារចិត្តបង វាយដំបង្ខាំង រារាំងរូបអូន ឥតមានសណ្តោស អាវបងទិញអោយ គាត់ហែកចោលអស់ ព្រោះចង់សាងឈ្មោះ អូនអោយពិរោះ ខ្ពស់ដូចគីរី ។ 

បន្ទរ. ស្តាយណាស់ជំនូន ជូនម៉ែទៅស្តី ស្តាយម្ហូបចំណី ម្តាយអូនជាន់ឈ្លី បងខ្មាស់គេណាស់ អ្នកភូមិប៉ាហ៊ី មួយលើកជាពីរ ចូលស្តីដណ្តឹង ម្តាយអូន ពុំអោយ ។ 

៣. ប៉ាហ៊ីប៉ៃលិន កណ្តៀងត្បូងឆាំង បងឈប់រារាំង ប្រឆាំងគ្រួសារ និងអូនទៀតហើយ អូននៅអោយសុខ សុខលុះដល់ត្រើយ យើងអស់កម្មហើយ សង្សារខ្ញុំអ្ហើយ រកត្រើយរៀងខ្លួន ។