១. យប់ដប់ពីរកើតខែអើតលឹមៗ
លួចមើលឃើញអូនញញឹម
បងលួចសង្ឃឹមនឹងជីវិតថ្មី
រលកទន្លេ បំពេជាមួយតន្ត្រី អង្វរស្រដី
លួងលោមសូមស្រីប្រណីបងផង។

២. ដៃស្តាំក្រសោបឱបចង្កេះអូន
ដៃឆ្វេងខ្ញាំដៃស្តាំស្ងួន
ខ្លួនហើយនិងខ្លួនអង្រួនរកគ្នា
រៀមរាំឱបស្រីដូចប្តីប្រពន្ធរៀបការ ដូចឃ្មុំបានផ្កា
ដូចអង្គក្សត្រាបានឡើងសោយរាជ្យ។

៣. បងស្បថទៅចុះណាស្រស់ពិសី
មិនដែលនឹកទេស្នេហ៍ស្រី
ឥឡូវហេតុអ្វីបងស្នេហ៍ស្រីម្ល៉េះ
បាត់មុខមួយថ្ងៃហឫទ័យស្ទើរប្រេះ ដូចបាត់របស់ពិសេស
តើក្នុងជាតិនេះយើងជួបគ្នាទេ។

៤. អូនអ្ហើយអូនអ្ហើយឲ្យតែមេត្តា
ទោះបីរឿងរ៉ាវយ៉ាងណា
បងសូមសច្ចាថាស៊ូទទួល
ស្នេហ៍ព្រោះអាណិត ដួងចិត្តមិនងាយប្រែប្រួល
ភ្លើងស្នេហ៍ឆាបឆួល
អូនអ្ហើយទទួលអង្វរបងផង។