(១) . ក្បាលកោះភូមិក្នុងជុងអន្ទាក់ រូបអូននឹងបងពីរនាក់ ស្នេហ៍យើងពីវ័យកុមារ បងហើយនិងអូនរួមរស់ស្នេហា ឱ្យគេងកើយលើហត្ថា ថ្ងៃនេះស្នេហាម្តេចព្រាត់ពីបង។ 

(២) . តឹងទ្រូងដង្ហក់ស្រក់ទឹកនេត្រា រស់នៅកំព្រាឯកា ចិន្តាខ្ញុំសែនកង្វល់ រង់ចាំតំណក់ភ្លៀងស្រក់មកដល់ ដូចក្តោងចាំខ្យល់ ស្រាប់តែនិមលរៀបការគូថ្មី ។ 

(៣) . បេះដូងពិការស្នេហាកុលាប បានដឹងជ្រូតជ្រាបទាំងស្រុកភូមិផង ទឹកដីក្បាលកោះ ដែលខ្ញុំប៉ុនប៉ង ឥឡូវនេះឆ្លងជារឿងខកចិត្ត។ 

(៤) . កន្លង់បាក់ស្លាបក្រាបលើធរណី កើតទុក្ខយំសោកឥតល្ហែ ព្រោះតែនឹកស្តាយសំដី វិយោគឱ្យអស់កុំឱ្យអាល័យ មានតែទឹកភ្នែកចងដៃ ជាថ្ងៃជោគជ័យកុលាបរៀបការ ។