១) យូរឆ្នាំមកហើយ ចិត្តខ្ញុំអើយនៅទ្រាំ អូនស្រែកអូនទ្រហោយំ យំអស់ទឹកភ្នែក 
យំស្ទើរតែបែកប្រេះឱរា ទ្រូងរីងស្ងួត ហួតបែកក្រហែងរីងនេត្រា ព្រោះតែស្នេហា រូបបងមួយ។ 
២) នៅតែសង្ខារទុកបូជាស្នេហ៍បង គ្រាក្រោយដែលអូនបន់ផ្សងជួបបងជាតិមុខ 
កុំអោយជួបទុក្ខជួបក្តីព្រួយ បើជួបបងសូមអោយបានជួបមួយនិងមួយ ហើយកុំអោយជួបស្នេហ៍ចិត្តពីរ។ 
បន្ទរ) ស្នេហ៍អូនធំណាស់ៗ ធំសែនធំៗជាងផែនដី ហើយក៏គ្មានអ្វីប្រៀបបាន 
មិននឹកស្មានថាចិត្តស្នេហ៍ដល់ថ្នាក់ហ្នឹង អូនទើបតែដឹងនៅពេលបងធ្វើបាបអូន។ 
៣) ច័ន្ទអាប់រស្មី ភពផែនដីងងឹត ក្តីទុក្ខកាន់តែរួមរិត ចិត្តខ្វល់ឥតល្ហែ ដូចផ្កាកាន់តែស្រពោន 
ថ្ងៃនេះហើយដែលអូនដឹងថាស្នេហ៍អូន រលាយសាបសូន្យគ្មានក្តីសង្ឃឹម។