1) យប់នេះដួងច័ន្ទ ចែងចាំងរស្មីចម្លែក 
ធម្មជាតិក៏ប្លែកខុសពីធម្មតា 
ជំនោរបក់មក ក្រអូបក្លិនផ្កា 
ថ្នាក់ថ្នមដល់ដួងចិន្តា កើយហត្ថាទន់ត្រជាក់។ 

2) យប់នេះគឺយប់ ដែលបងមានភ័ព្វវាសនា 
ជួបទេពធិតា ដែលចិត្តជំពាក់ 
បើកភ្នែកឃើញច្បាស់ សម្រស់ដួងភក្ត្រ 
ថាពិតជារូបវរលក្ខណ៍ ជឿជាក់មិនមែនសុបិន។ 

R) រៀមបានលើកហត្ថថ្នាក់ថ្នមរាងកាយ 
ចិត្តឥតមាននឿយណាយ ហាក់ដូចជួបឋានព្រះឥន្ទ 
នាសាខំស្រង់ខំស្រូបយកក្លិន 
ផ្កាអ្វីក៏មិន ក្រអូបដែលក្លិនកល្យាណ។ 

3) ពេលរៀមភ្ញាក់ឡើង ដឹងខ្លួនស្រវារកស្រី 
រាត្រីក៏ក្លាយជាក្តីខកខាន 
ព្រោះស្នេហ៍ស្រមោលដែលចាប់មិនបាន 
សុបិនបានវង្វេងឋាន បានជួបតែស្នេហ៍ឥតន័យ។