១. ម្ចាស់ត្បូងកណ្ដៀងច្រៀងថាស្ម័គ្រ
អូនចង់ឃើញភ័ក្រ្តនារាល់ពេលយប់ថ្ងៃ
ឱ ម្ចាស់សំនៀងច្រៀងលួងលោមចិត្តស្រី
សំឡេងភក្ដីបរតាំងស៊ូ។

២. អូនជាកុលាបដុះក្បែរភ្នំ
ក្រែងមិនស័ក្ដិសមប្រុសទទួលជាគូ
តែចិត្តអូនវិញដូចចន្ទនិងរាហូ
តែឃើញយូរៗសែនសៅហ្មង។

៣. ឱ ម្ចាស់ចម្រៀងសម្ដីឯក
សូមជួយលរំលែកចិត្តអូនផង
នឹកណាស់ខ្វល់ណាស់ព្រោះតែបង
កម្មអ្វីមកចងពៀរច្នេះណា

៤. អូនជាអ្នកទោសដួងចិត្តបង
កាមទេពចាប់ចងហើយវាយដំឱរា
ទឹកភ្នែកម្នាក់ឯងគេងហើយសួរចិត្តថា
ខ្ញុំមានវាសនាបានបងទេ។

បន្ទរ ៣.