I) ពុះទ្រូងបំបែក ទុកចែកជួនស្រី ថ្ងៃចូលរោងថ្មី នាខ្នើតថ្ងៃបី ការស្រីបវរ 
រូបអូននេះហើយ ជាឃាតករ ថ្ងៃដែលស្រីល្អ ផ្ទឹមក្នុងរោងការ។ 
II) រៀបការចុះអូន ឲ្យបានសុខសាន្ត រួមរក្សពីរប្រាណ ធ្វើម្តេចក្រមាន ជារឿងធម្មតា 
ទឹកភ្នែកមួយតក់ ស្រក់លើភក្ត្រា បញ្ជាក់ប្រាប់ថា ស្នេហ៍បងចប់ហើយ។ 
R) ថ្ងៃអើយអើយថ្ងៃ ថ្ងៃចូលរោងការ អាសូរវាសនា គ្មានកោះគ្មានត្រើយ 
រសាត់ដូចចក ទុក្ខឥតពេលស្បើយ ទុក្ខឥតល្ហែល្ហើយ កំព្រាឯកា ។ 
III) ណ្ហើយចុះបងលា លាចាំជានិច្ច ទឹកភ្នែកស្រិចៗ ជោរជន់ស្ទើរលិច លិចលង់រោងការ 
ស្រណោះណាស់អូន ពាក្យអូនចរចា អូនបានប្រាប់ថា ស្នេហ៍បងលុះក្ស័យ។