Khmer Dictionary: ទ្រាំ

Chuon Nath's Khmer-Khmer Dictionary

ទ្រាំ ( កិ.កិរិយាសព្ទ )
ខំអត់, អត់ធ្មត់ : ទ្រាំក្ដៅ, ទ្រាំរងា, ទ្រាំធ្វើការ ។ ថែជំងឺ, បម្រើជំងឺ : ទ្រាំជំងឺ ។
ទ្រាំង ( ន.នាមសព្ទ )
ឈ្មោះតចសារព្រឹក្សមួយប្រភេទ (សន្តានជ្រៃ) មានធាងវែងៗ មានស្លឹកប្រើការបានច្រើនយ៉ាងគឺ ប្រើការចារសាស្ត្រាហៅថា ស្លឹករឹត; ប្រើការដោយយកទ្រនុងស្លឹកវាច្រៀកធ្វើជាកន្លាស់ដោតខ្ទាស់ស្លឹកខ្ចីៗ សៗ គ្របបន្តិចៗលើគ្នាឲ្យបានជាបន្ទះវែងៗ ធំៗ សម្រាប់ប្រក់ឬបាំងហៅថា ភ្ជល់ (មិនជាប់បានយូរប៉ុន្មានទេ); ទោះត្បាញជាការុងឬសំពៀតជាដើមក៏ហៅថា ភ្ជល់ បានដែរ; ប្រើចម្រៀកតូចៗត្បាញធ្វើជាក្ដោងទូក ហៅថា ទទត់; ទ្រនុងដែលសកយកស្លឹកចេញហៅថា ទ្រនុងរឹត ឬឆ្អឹងរឹត; ធាងទុំដែលគេកាប់យកមកពុះហើយច្រាស់ ឬឈូសធ្វើជាវត្ថុផ្សេងៗមានដំបង, ដាម, ព័ន្ធមូល (គ្រឿងតម្បាញ) ជាដើម ហៅថា ទ្រាំង ដែរៈ ដំបងទ្រាំង, ដាមទ្រាំង, ព័ន្ធមូលទ្រាំង ។ ព. ទ. បុ. ទ្រាំងកំដរខ្មោច គេយកធាងទ្រាំងដែលគេធ្វើជាដាមឬជាព័ន្ធមូលនោះមកចងភ្ជាប់ ឬខ្ទាស់នឹងកាំជណ្ដើរផ្ទះ ដោយគេជឿតាមទម្លាប់ថា ខ្មោចបិសាចខ្លាចទ្រាំង គេការពារមិនឲ្យខ្មោចបិសាចឡើងតាមជណ្ដើរចូលក្នុងផ្ទះបាន ។ មនុស្សដែលខ្ចិលណាស់ ឬដែលល្ងង់ទុយមុយពេក ពេលយប់ដេកលក់មិនសូវដែលប្រែខ្លួន បានត្រឹមតែមកដេកកំដរ កុំឲ្យតែខ្លាចខ្មោចបិសាចលងប៉ុណ្ណោះ, គេនិយាយថា ដូចគេយកទ្រាំងមកកំដរខ្មោច ។ ដើមទ្រាំងនេះច្រើនដុះពីគ្រាប់វាក្នុងព្រៃធំៗ ក្នុងប្រទេសកម្ពុជា មានខែត្រក្រចេះ និងខែត្រកំពង់ធំច្រើនជាងខែត្រឯទៀត, ជាតចសារព្រឹក្សមានប្រយោជន៍ច្រើន, គេអាចដាំតាមព្រំវត្តអារាមក៏បាន មិនសូវរើសដីប៉ុន្មានទេ, រស់នៅបានយូរឆ្នាំ វែងឆ្ងាយជាងអាយុមនុស្សអ្នកមានអាយុវែង, ប៉ុន្តែលុះដល់កំណត់កាល ក៏បញ្ចេញផ្កាចំត្រង់កំពូលមានផ្លែផ្កាជាធ្លាយដូចផ្លែចាក, លុះផ្លែទុំហើយ តចសារព្រឹក្សនេះក៏ងាប់, រាប់ថាជារុក្ខជាតិបញ្ចេញផ្កាផ្លែសម្លាប់ដើម, សូមដូចព្រះពុទ្ធភាសិតថា តចសារជាតិមានឫស្សី, បបុស, ត្រែង, ទ្រាំងជាដើមបញ្ចេញផ្កាផ្លែសម្លាប់ដើមវាយ៉ាងណា, លាភៈសក្ការៈពុំជា សម្លាប់មនុស្សលោភលាមកតក់ម៉ក់អាក្រក់ក្រៃ ក៏មានឧបមេយ្យដូច្នោះដែរ ។
ទ្រាំង ( ន.នាមសព្ទ )
ឈ្មោះស្រុកមួយក្នុងកម្ពុជរដ្ឋ; ឥឡូវរួមចូលក្នុង ខែត្រតាកែវ ស្រុកទ្រាំងមាន ២ គឺ ទ្រាំងត្រើយឯជើង, ទ្រាំងត្រើយត្បូងៗ សព្វថ្ងៃនេះជាអាណាខេត្តកូស័ងស៊ីន រាប់បញ្ចូលក្នុងខែត្រមាត់ជ្រូក (ចូដុក) ។ ឈ្មោះលលកមួយប្រភេទសម្បុររលើប មាត្រតូចជាងលលកធម្មតា, មិនចេះរងាវទេ ចេះតែបូលឬបរសូរញាប់រន្ថាន់ : លលកទ្រាំង ។
ទ្រាំទ្រ ( កិ.កិរិយាសព្ទ )
ទប់ទល់, គាំពារ, ខំអត់ធន់ពេញបន្ទុក, ខំប្រឹងទទួលកិច្ចគ្រប់ប្រភេទ ។ ថែរក្សាជំងឺដោយទទួលភារៈពេញបន្ទុក : ម្ដាយធំខ្ញុំគាត់ឥតកូនទេ ប៉ុន្តែវេលាដែលគាត់មានជំងឺធ្ងន់ ក្មួយទាំងអស់ឈូឆរទ្រាំទ្រគាត់ដូចជាកូនបង្កើត ។
ទ្រាំទ្រឹស្ដិ ( កិ.កិរិយាសព្ទ, កិ. វិ.កិរិយាវិសេសនៈ ឬ កិរិយាវិសេសន៏ ) [--ទ្រឹស]
ក្រអឺតក្រទម, ដំអក់, ទម្រន់, ក្រាញដោយប្រកាន់ទិដ្ឋិអស្មិមានះ; ស្ទាក់ស្ទើរ, ស្ទើរចង់ស្ទើរទេ, ទាំងទាល់ : តុលាការកោះហៅ ៣ ដង ហើយ គាត់ចេះតែទ្រាំទ្រឹស្ដិ មិនព្រមចូលខ្លួនទៅសោះ, បើមុខជានឹងខានឲ្យគេមិនបានទេ ត្រូវឲ្យគេឲ្យហើយទៅ ទ្រាំទ្រឹស្ដិដល់ណាទៀត ?; វាធ្វើទ្រាំទ្រឹស្ដិមិនចង់ទៅ, ធ្វើការទាំងទ្រាំងទ្រឹស្ដិ (ម. ព.មើលពាក្យ ( ចូរមើលពាក្យ . . . ) ទ្រាំ និង ទ្រឹស្ដិ ទៀតផង) ។
ទ្រាំតែ ( និ.និបាតសព្ទ )
អត់ធ្មត់រង់ចាំកំណត់ត្រឹមពេលណាមួយ ដែលប្រព្រឹត្តទៅបាន ឧ. ការងារនេះអ្នកកុំអាលធ្វើទ្រាំតែខ្ញុំមកវិញ សឹមធ្វើទាំងអស់គ្នា ។

Headley's Khmer-English Dictionary

ទ្រាំ ( v ) [troam] - detail »
to bear, endure, put up with, withstand, resist
ទ្រាំ ( v ) [troam] - detail »
to treat (medically), care for, attend to (an illness)
ទ្រាំ ( v ) [troam] - detail »
to hesitate, waver, be reluctant

Reference: ទ្រាំទ្រឹស្ដិ
ទ្រាំង ( n ) [treaŋ] - detail »
latania palm (kind of thorny palm tree, Corypha Lecomtei; the leaves can be can be made into a kind of writing paper and the stems can be woven into sail cloth)
ទ្រាំង ( n ) [treaŋ] - detail »
name of a former Cambodian province now in Vietnam

Reference: ខេត្តទ្រាំង
ទ្រាំង [treaŋ] - detail »