Khmer Dictionary: ព្រហស្បតិ៍
Chuon Nath's Khmer-Khmer Dictionary
-
ព្រហស្បតិ៍
( ន.នាមសព្ទ )
[ព្រហ៊ាស់ ]
( សំ.សំស្រ្កឹត ( ភាសាសំស្រ្កឹត ) )
(សំ. ក្ល.) (វ្ឫហស្បតិ; វ > ព, ឫ > រឹ = ព្រឹហស្បតិ) ឈ្មោះថ្ងៃទី ៥ ក្នុងមួយសប្ដាហ៍ : ថ្ងៃព្រហស្បតិ៍ ។ ពោលតាមលទ្ធិព្រាហ្មណ៍ ថា ជានាមនៃទេវតាវិសេសអង្គមួយ ជាប្រធានឬជាម្ចាស់នៃមន្តវិជ្ជានិងអក្សរសាស្រ្ត, ជាគ្រូនៃពួកទេវតា, ហៅថា ព្រះវ្ឫហស្បតិ (ព្រះព្រហស្បតិ៍); ខាងតារាសាស្ត្រ ថាជាឈ្មោះនៃផ្កាយមួយ ក្នុងពួកផ្កាយនព្វគ្រោះ ហៅថា ផ្កាយព្រហស្បតិ៍; ព្រោះហេតុនោះ បានជាបុព្វបុរសទាំងឡាយរបស់យើង ហៅថ្ងៃព្រហស្បតិ៍ថា ព្រហស្បតិ៍រាជគ្រូ (តាមលទ្ធិនុ៎ះឯង), តាំងជាទម្លាប់ឲ្យសិស្សចាប់ផ្ដើមរៀនអក្សរ, លេខនព្វន្ត, មន្ត, វិជ្ជាទាំងពួង រើសរកតែថ្ងៃព្រហស្បតិ៍ ដោយប្រកាន់ជឿថានឹងបានឆាប់ចេះ ទាំងនឹងមានសេចក្ដីសុខសប្បាយរៀងទៅផង ។
Headley's Khmer-English Dictionary
-
No matching entries found!