Khmer Dictionary: សូម

Chuon Nath's Khmer-Khmer Dictionary

សូម ( កិ.កិរិយាសព្ទ )
បញ្ចេញវាចាឬសម្ដែងអាការឲ្យគេឲ្យអ្វីៗដែលខ្លួនត្រូវការ : សូមទាន, សូមប្រាក់, សូមពរ (ព. សា. សុំ) ។ ពាក្យសម្រាប់ប្រើនាំមុខឬជាជំនួយកិរិយាសព្ទមានអាការជាកិរិយានុគ្រោះ ឬប្រើជាជំនួយតាមសព្ទក៏បាន ដោយសេចក្ដីអង្វរ ឬដោយសេចក្ដីគោរព, ដោយសេចក្ដីគួរសម (តាមថ្នាក់បុគ្គល) : សូមព្រះតេជះតម្កល់លើត្បូង; សូមព្រះរាជទាន...; សូមទ្រង់...; សូមទ្រង់ជ្រាប; សូមទ្រង់ព្រះមេត្តាប្រោស...; សូមទ្រង់មេត្តាប្រោស...; សូមទាន...; សូមទានជ្រាប; សូមជ្រាប; សូមប្របាទម្ចាស់...; សូមព្រះតេជព្រះគុណ...; សូមលោក...; សូមនាយ...; សូមអ្នក...; សូមឱកាស !; សូមកុំ...; សូមឲ្យ ... ។ល។
សូមក្រាបបង្គំទូល ( កិ.កិរិយាសព្ទ )
និយាយពីពាក្យសម្រាប់ក្រាបទូលព្រះមហាក្សត្រិយ៍ជាអម្ចាស់ជីវិត ដោយគារវភាពដ៏ខ្ពង់ខ្ពស់ក្រៃលែង គឺអ្នកសរសេរចុតហ្មាយនោះ សូមក្រាបបង្គំព្រមទាំងសូមយកសិរៈរបស់ខ្លួនទូលព្រះបាទាព្រះអង្គផង ប៉ុន្តែសូមទូលពីក្រោមល្អងធូលីដែលជាប់នៅត្រង់បាតព្រះបាទា ដោយផ្តើមសេចក្ដីត្រង់បន្ទាត់លើបំផុតថា សូមព្រះតេជះតម្កល់លើត្បូង; ហើយសរសេរត្រង់បន្ទាត់ក្រោមបន្ទាប់នោះ ដោយលូកចូលបន្តិចថា សូមព្រះរាជទានក្រាបបង្គំទូលក្រោមល្អងធូលីព្រះបាទ នៃព្រះករុណាជាអម្ចាស់ជីវិតលើត្បូង-សូមទ្រង់ជ្រាប ។ រួចសរសេរលូកបន្ទាត់ចូលរាយសេចក្ដីតាមដំណើរការណ៍ទៅដរាបដល់ចប់ (នេះជាបែបប្រើតាំងពីបុរាណកាលមក) ។ល។

Headley's Khmer-English Dictionary

សូម ( v ) [soom] - detail »
to request, ask for; to beg, entreat; polite term used to introduce a sentence. It means 'please, would you..., would you please'
Eg. សូមជំរាបមកលោកឳពុកនិងអ្នកម្តាយសូមជ្រាប: Dear father and mother (fairly formal greeting in a letter).
សូម៉ាត្រា ( n ) [soomaatraa] - detail »
Sumatra
សូម៉ុង ( n ) [soomoŋ] - detail »
salmon
សូម្បី ( conj ) [soombəy] - detail »
even, even if, in spite of, including; although
Eg. គាត់ឈឺធ្ងន់ណាស់ សូម្បីទឹកក៏គាត់មិនអាចពីសាបានផង: He's very ill; he's not even able to drink water.