Khmer Dictionary: ឧភយ
Chuon Nath's Khmer-Khmer Dictionary
-
ឧភយ
( គុ.គុនសព្ទ, សំខ្យា.សំខ្យាសព្ធ )
[អ៊ុភៈ-យៈ ]
( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
ទាំងពីរ, ទាំងគូ ។ ព. កា.ពាក្យកាព្យ គឺពាក្យសម្រាប់ប្រើក្នុងកាព្យ ប្រើជា ឧភយៈ, ឧភ័យ, ឧភយា, ឧភយោ, ឧភយំ (--យ័ង) ក៏បាន, ដូចកាព្យជាគំរូថា : ខ្ញុំឃើញយាយតា ទាំងឧភយា បណ្តើរគ្នាទៅ តាដោយឈើច្រត់ យាយទូលផ្លែព្នៅ គាត់ប្រាប់ថាទៅ ធ្វើបុណ្យឆ្លងថ្នល់ ។ ខ្ញុំឮថាគាត់ សំដៅទៅវត្ត ឥឡូវបានដល់-ទៅវត្តស្រេចហើយ កំពុងខ្វាយខ្វល់ ធ្វើបុណ្យឆ្លងថ្នល់ ដូចថាហើយតើ ។ ឬមួយបែបថា : រាជបុត្រា ទាំងឧភយា នាំគ្នាចេញទៅ រករៀនវិជ្ជា នាប្រទេសក្រៅ ព្រះទ័យសំដៅ វិជ្ជាពាណិជ្យ ។
- ឧភយជន ជនទាំងពីរនាក់ ។
- ឧភយត្ថេនកៈ អ្នកលួចទាំងពីរបែប គឺលបលួចកោរសក់កោរពុកមាត់ ពុកចង្កាហើយស្លៀកដណ្តប់កាសាវព័ស្រ្តខ្លួនឯងធ្វើខ្លួនជាសាមណេរផង ថែមទាំងក្លែងធ្វើជាភិក្ខុទៀតផង, បុគ្គលបែបនេះជាថេយ្យសំវាសកៈ ហើយពុំអាចបួសក្នុងព្រះពុទ្ធសាសនាបានឡើយ (ព. វិ. ពុ. ។ ម. ព.មើលពាក្យ ( ចូរមើលពាក្យ . . . )
- ឧភយទ្យុស ថ្ងៃទាំងពីរអមថ្ងៃនេះ គឺថ្ងៃម្សិលមិញនិងថ្ងៃស្អែក ។
- ឧភយពង្ស ឬ
- --វង្ស វង្សទាំងពីរ ។
- ឧភយពាក្យ ឬ
- --វាក្យ ពាក្យទាំងពីរ គឺពាក្យរបស់ជាតិដទៃនិងពាក្យរបស់ជាតិខ្លួន : សៀវភៅឧភយពាក្យ (ហៅ ឧភយភាសា ក៏បាន) ។
- ឧភយពាក្យបរិវត្តន៍ ឬ
- --វាក្យបរិវត្តន៍ (--ក្យៈប៉រ៉ិវ័ត) ការប្រែពីភាសាមួយទៅជាឬមកជាភាសាមួយ (ហៅត្រឹមតែ វាក្យបរិវត្តន៍ ក៏បាន) ។ល។
Headley's Khmer-English Dictionary
-
ឧភយ
( num )
[ʔuʔpʰeaʔyeaʔ]
two.
-
ឧភយ
( adj )
[ʔuʔpʰeaʔyeaʔ]
to be dual, twofold
-
ឧភយោរាជ
( n )
[ʔuʔpʰeaʔyouriec]
king who has abdicated and serves as the advisor to the new king and the vice-regent
-
ឧភយោរាជ្យ
( n )
[ʔuʔpʰeaʔyouriec]
function of a king who has abdicated.
-
ឧភយោរាជ្យ
( adj )
[ʔuʔpʰeaʔyouriec]
pertaining to a king who has abdicated