Khmer Dictionary: ហុត
Chuon Nath's Khmer-Khmer Dictionary
-
ហុត
( កិ.កិរិយាសព្ទ )
ស្រូបយកតែទឹកឬវត្ថុរាវ : ហុតទឹកសម្ល, ហុតឈាម ។ ន. ចំនួនដែលស្រូបយកតែទឹកឬវត្ថុរាវ : ទឹកសម្លមួយហុត ។ ព. ទ. បុ. ហុតទឹកសំដៅកាក ឲ្យអ្វីៗឬទំនុកបម្រុង, ផ្គត់ផ្គង់ សម្លឹងសំដៅប្រយោជន៍ផ្ទាល់ខ្លួន ឬបម្រុងនិងឲ្យបានមកជាកូនប្រសាជាដើម : ខ្ញុំទំនុកបម្រុងវាដោយស្មោះត្រង់ពិតៗ មិនមែនហុតទឹកសំដៅកាកទេ ។
-
ហុត
( ន.នាមសព្ទ )
[ហ៊ុត-តៈ]
or ហុតៈ
( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
(ហុត) ការបូជាយញ្ញ, ការធ្វើយញ្ញពិធី; ការបូជាភ្លើង; ការសែន, ការសែនព្រេន ។
- ហុតកម្ម ការធ្វើហុតៈ ។
- ហុតករ ឬ - --ការ អ្នកធ្វើហុត (បើស្រ្តីជា ហុតការិកា) ។
- ហុតកោវិទ អ្នកឈ្លាសក្នុងហុតកម្ម ។
- ហុតពិធី ពិធីហុតកម្ម, ពិធីបូជាភ្លើង ។
- ហុតភុជ, ហុតពៈ ឬ - ហុតវហៈ, ហុតាសន៍ ព្រះអគ្គីឬព្រះអគ្និ (ភ្លើង)។
- ហុតាចារ្យ អាចារ្យអ្នកចេះធ្វើហុតកម្ម, អាចារ្យអ្នកចេះបូជាភ្លើង (ទាំងអស់នេះសុទ្ធតែជាលទ្ធិផ្សេងពីលទ្ធិពុទ្ធសាសនា) ។ល។
Headley's Khmer-English Dictionary
-
ហុត
( v )
[hot]
to sip (noisily), suck; to gulp down, bolt (food).
-
ហុត
( n )
[hot]
a sip (of some liquid)
-
ហុតាសន៍
See: ហុតភុជ -
ហុតៈ
( n )
[huʔtaʔ]
sacrifice, burnt offering