Khmer Dictionary: ឧណ្ណា
Chuon Nath's Khmer-Khmer Dictionary
-
ឧណ្ណា
( ន.នាមសព្ទ )
[អ៊ុន-ណា]
( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(ឧណ៌ា) រោមចៀម, រោមពពែឬរោមសត្វចតុប្បាទពួកចៀមពួកពពែ; សរសៃពីងពាង; រោមប្រជុំចិញ្ចើម គឺរោមដែលដុះនៅត្រង់ចន្លោះចិញ្ចើមទាំងពីរ ។ ឧណ្ណានាភី (បា. --នាភិ) ពីងពាង ។
- ឧណ្ណាពស្រ្ត ឬ - --ព័ស្រ្ត (--ពស់ ឬ ព័ស) សំពត់រោមចៀម ។
- ឧណ្ណាម័យ ដែលធ្វើដោយរោមចៀម, ដែលយករោមចៀមធ្វើ : កម្រាលឧណ្ណាម័យ ។
- ឧណ្ណាលោម រោមប្រជុំចញ្ចើម ។ ឈ្មោះវត្តធំមួយក្នុងក្រុងភ្នំពេញ, មានចេតិយបុរាណធំមួយនៅខាងក្រោយឧបោសថាគារ មានចេតិយធំបន្ទាប់ ៥ ព័ទ្ធជុំវិញ តភ្ជាប់នឹងចេតិយធំ; ក្នុងចេតិយធំនោះ តាមសេចក្ដីតំណាលថា គេបញ្ចុះរោមប្រជុំចិញ្ចើមនៃព្រះមហាថេរមួយអង្គមាននាមពុំប្រាកដ... ។ លុះដល់មកពុទ្ធសករាជ ២៤២៣ សម្តេចព្រះមហាសង្ឃរាជព្រះនាម ទៀង (សុវណ្ណកេសរៈ) បានបញ្ចុះព្រះបរមសារីរិកធាតុនៃព្រះសក្យមុនីសម្មាសម្ពុទ្ធមួយព្រះអង្គតូចក្នុងចេតិយធំកណ្តាល, ព្រះបរមធាតុនោះ ព្រះសិរីសុមង្គលាចារ្យ ជាសង្ឃនាយកនៅលង្កាទ្វីបបានចាត់មហាថេរមួយរូបឈ្មោះ
- នាថវីរិយ ឲ្យនាំមកថ្វាយ (តាមអក្សរចារឹក នៅលើមាត់ទ្វារចេតិយទាំងគូខាងមុខចេតិយធំ) ។ ពាក្យនេះខ្មែរប្រើជា រ. ស. ថា ព្រះឧណ្ណាលោម “រោមប្រជុំចិញ្ចើមព្រះសម្ពុទ្ធឬក្សត្រិយ៍” (ដែលកម្រមនុស្សណាមាន) ។
Headley's Khmer-English Dictionary
-
ឧណ្ណា
( n )
[ʔunnaa]
wool, fur
-
ឧណ្ណា
( n )
[ʔunnaa]
hair which grows between the eyebrows
-
ឧណ្ណា
( n )
[ʔunnaa]
cobweb, spider's web