Khmer Dictionary: ច
Chuon Nath's Khmer-Khmer Dictionary
-
ចង្គ្រាង
( កិ.កិរិយាសព្ទ )
ដេកផ្ងារបោះដៃ បោះជើងស្រទាង : ដេកផ្ងារចង្រ្គាង, ដួលបះជើងចង្គ្រាង ។
-
ចង្គ្រាង
( គុ.គុនសព្ទ )
ដែលធំសាងញ៉ាងឥតសម : មែកឈើចង្គ្រាង, ធំចង្គ្រាង ។
-
ចង្គ្រាស់
( គុ.គុនសព្ទ )
ដែលរឹងក្រទាំងបត់បែនមិនបាន : រឹងចង្គ្រាស់ ។
-
ចង្គ្រុង
( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
ដែលធំហើយខ្ពស់ផង : ធំចង្គ្រុង ។
- ហាមាត់ចង្គ្រុង គឺហាមាត់ធំមើលទៅឃើញជ្រៅរលុង ។
-
ចង្គ្រោង
( គុ.គុនសព្ទ )
ដែលខ្ពស់ចោងណោង, ខ្ពស់ហួសឥតសម : មនុស្សចង្គ្រោង, ខ្ពស់ចង្គ្រោង ។
-
ចង្រក
( ប.បរិវារសព្ទ )
[ចង់-រ៉ក]
ពាក្យសម្រាប់និយាយផ្សំពីខាងចុងពាក្យ ចង្រៃ (ម. ព.មើលពាក្យ ( ចូរមើលពាក្យ . . . ) ចង្រៃ) ។
-
ចង្រប់
( ន.នាមសព្ទ )
[ចង់-រ៉ប់]
នេសាទុបករណ៍មួយប្រភេទ ធ្វើដោយដែកចម្ពាម មានដង សម្រាប់ចាក់ច្រប់អន្ទង់, ច្រប់ត្រីក្នុងភក់ ។
-
ចង្រិត
( ន.នាមសព្ទ )
[ចង់-រ៉ិត ]
ឈ្មោះសត្វល្អិតមានស្លាបហើរបាន, មាន ចង្រិតដូង, ចង្រិតដែក ជាដើម ។ ព. ពុ. ថា : សត្វលោកច្រើនងោកងប់ជ្រុលជ្រប់សន្លប់ក្នុងកាម ដូចចង្រិតហើរត្រសុកចូលភ្លើង ។
-
ចង្រុះ
( កិ.កិរិយាសព្ទ )
បាត់បង់ហិនហោចទ្រព្យសម្បត្តិ, រិចរឹលរបេះរបោច ឧ. ហិនហោចខ្លោចចង្រុះ ។
-
ចង្រៃ
( ន.នាមសព្ទ )
[ចង់-រ៉ៃ ]
ឧបទ្រព គឺសភាពដែលបង្អាប់ស្រីសួស្ដី, ដែលបណ្ដាលឲ្យមានទុក្ខ, មានកង្វល់, មានភយន្ដរាយ : មានតែបុណ្យកុសលដែលបុគ្គលកសាងសន្សំប៉ុណ្ណោះទេ ទើបអាចរំងាប់ អាចដេញកំចាត់ចង្រៃបាន ។
- ចង្រៃចង្រក ចង្រៃរួបរឹតដោយអាការផ្សេងៗ ។
- អាចង្រៃ ! សំដីជេរដោយទ្រគោះមើលងាយ ។ល។
<< Prev 1 ... 5 6 7 8 9 10 11 ... 20 Next >>