Khmer Dictionary: យ
Chuon Nath's Khmer-Khmer Dictionary
-
យន់
( កិ.កិរិយាសព្ទ )
( ស.សៀម ( ភាសាសៀម ) )
(យ់ន អ. ថ. យ៉ុន “ធ្វើឲ្យខ្លី, រួញ...”) ដាបចុះ, ទន់, ទន់ចុះ, ជ្រុល, ជ្រប់ : យន់ត្របកភ្នែក, យន់បបូរមាត់, យន់កម្លាំង ។
- យប់យន់ យប់ជ្រុល, យប់ជ្រៅ ។
-
យន្ត
( ន.នាមសព្ទ )
[យន់]
or យន្ត្រ
( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
គ្រឿងប្រដាប់ដែលកម្រើកបានដោយកម្លាំងចក្រប្រកបគ្នា : យន្តដេរ, យន្តហោះ, ថ្នេរយន្ត, រថយន្ត, កម្លាំងយន្ត ។
- យន្តកម្ម (យន់តៈក័ម ឬយ័នតៈ--) ការយន្ត, ការធ្វើយន្ត : រៀនយន្តកម្ម ។
- យន្តការី (យន់តៈការ៉ី ឬយ័នតៈ--) អ្នកធ្វើយន្ត, អ្នកធ្វើការយន្ត : ពួកយន្តការី; បើស្ត្រីជា យន្តការិនី ។
- យន្តវិជ្ជា (យន់តៈវិច-ជា ឬ យ័នតៈ--) ចំណេះធ្វើយន្ត (ហៅថា យន្រ្តវិទ្យា ក៏បាន) ។
- យន្តសាល ឬ
- យន្តសាលា (យន់តៈសាល, --សាល៉ា ឬ យ័នតៈ--) រោងយន្ត, រោងដាក់គ្រឿងយន្ត, រោងធ្វើគ្រឿងយន្ត ។
- យន្រ្តសាស្រ្ត (យន់ត្រៈ- សាស ឬ យ័នត្រៈ--) ក្បួនប្រាប់វិធីធ្វើយន្ត ។
- យន្តសិក្សា (យន់តៈ- សិក-សា ឬ យ័នតៈ--) ការរៀនធ្វើយន្ត, ការរៀនកែគ្រឿងយន្ត (ហៅថា យន្រ្តសិក្សា ក៏បាន) ។ល។
-
យន្តហោះ
( ន.នាមសព្ទ )
[យន់-ហោះ]
( បា. ខ.បាលីនិងខ្មែរលាយគ្នា )
យានជំនិះដែលប្រើកម្លាំងម៉ាស៊ីនចក្រប្រកបគ្នា ហើយអាចបើកហោះហើរធ្វើដំណើរលើអាកាសបាន ។
-
យប់
( ន.នាមសព្ទ )
រាត្រី, វេលាដែលព្រះអាទិត្យអស្តង្គតហើយគឺវេលាតាំងពីព្រះអាទិត្យលិចបាត់អស់ពន្លឺ ទៅរហូតមកទល់នឹងពេលអរុណរះមានពន្លឺច្បាស់ឡើង ។ ព. ផ្ទ. ថ្ងែ ។
- យប់មិញ យប់ដែលកន្លងទៅហើយបន្ទាប់ថ្ងៃនេះ ។
- យប់ម្សិល យប់របស់ថ្ងៃម្សិល ។
- យប់ម្សិលម្ង៉ៃ (--មួយថ្ងៃ) យប់របស់ថ្ងៃម្សិលម្ង៉ៃ ។ល។
-
យមក
( គុ.គុនសព្ទ, ន.នាមសព្ទ )
[យៈមៈកៈ ឬ --មក់ ]
( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
គូ; ភ្លោះ ។
- យមកបុត្ត ឬ--បុត្រ (យៈមៈកៈបុត) កូនភ្លោះ (កូនប្រុស ភ្លោះ); បើស្រីភ្លោះជា យមកធីតា ឬ យមកបុត្រី (យៈមៈកៈធីដា ឬ--បុត-ត្រី) ។
- យមកប្បាដិហារិយ៍ ឬ--ប្រាតិហារ្យ (យៈមៈក័បប៉ា-ដិហា ឬ--ប្រាតិហា) បាដិហារិយ៍ជាគូៗ គឺបាដិហារិយ៍ដែលព្រះសម្មាសម្ពុទ្ធទ្រង់សម្តែងឫទ្ធិជាទឹកនិងភ្លើង ព្រមទាំងបញ្ចេញរស្មីជាគូៗ... (ម. ព.មើលពាក្យ ( ចូរមើលពាក្យ . . . ) បាដិហារិយ៍ ផង) ។
-
យមទូត
(មើលក្នុងពាក្យ យមៈ) ។
-
យមបាល
(មើលក្នុងពាក្យ យមៈ) ។
-
យមរាជ
(មើលក្នុងពាក្យ យមៈ) ។
-
យមលោក
(មើលក្នុងពាក្យ យមៈ) ។
-
យមុនា
( ន.នាមសព្ទ )
[យៈ-- ]
( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
ឈ្មោះទន្លេមួយក្នុងប្រទេសឥណ្ឌា មានចេញឈ្មោះច្រើនអន្លើក្នុងគម្ពីរពុទ្ធសាសនា ។
<< Prev 1 2 3 4 5 6 ... 20 Next >>