webease

Khmer-English-Khmer Dictionaries

Chuon Nath's Khmer-Khmer Dictionary
  1. អក្ខោ ( គុ.គុនសព្ទ ) [អ័ក-ខោ ]
    ពាក្យ​ប្រើ​កាត់​ខ្លី​មក​ពី អក្ខោភិនី សំដៅ​សេចក្ដី​ថា “ច្រើន, ច្រើន​ក្រៃ, គរគោក” : មាន​ជា​អក្ខោ​យក​ទៅ​ណា​ពុំ​អស់ (ព. សា.) ។
  2. អក្ខោភិនី ( ប. សំ.បកតិសំខ្យា ( ប្រើត្រឹមតែ សំខ្យា.​ គឺសំខ្យាសព្ទ ក៏មាន ) ) [អ័ក-ខោ-ភិ--] or អក្ខោហិណី (អ័ក-ខោ-ហិ-នី)   ( បា.បាលី​ ( បាលីភាសា ), សំ.សំស្រ្កឹត ( ភាសាសំស្រ្កឹត ) )
    (អក្សៅហិណី) សំខ្យា​ចំនួន​មួយ​រយ​សែន​និន្នហុត ។
    - អក្ខោភិនី ខ្មែរ​ប្រើ​ជា គុ. ក៏​មាន សំដៅ​សេចក្ដី​ថា “ច្រើន​រាប់​ពុំ​អស់” : មាន​ច្រើន​ជា​អក្ខោភិនី (មើល​ក្នុង​ពាក្យ អក្ខោហិណីអក្សៅហិណី ទៀត​ផង) ។
  3. អក្ខោហិណី ( ន.នាមសព្ទ ) [អ័ក-ខោ-ហិ-នី] or អក្សៅហិណី   ( បា.បាលី​ ( បាលីភាសា ), សំ.សំស្រ្កឹត ( ភាសាសំស្រ្កឹត ) )
    កង​ទ័ព​ជើង​គោគ​មួយ​ក្បួន​ធំ (មហា​ចតុរង្គ​សេនា) មាន​ទាហាន​ថ្មើរ​ជើង ១០៩.៣៥០, ទាហាន​សេះ ៦៥,៦១០, ដំរី ២១.៨៧០, រថ ឬ​រទេះ ២១.៨៧០ និង​យុទ្ធ​ភណ្ឌ​គ្រប់​ព្រម : កង​ទ័ព​មួយ​អក្ខោហិណី; ហៅ អក្ខោភិនី ក៏​បាន (បែប​ប្រើ​ក្នុង​បុរាណ​សម័យ) ។
  4. អក្សណៈ
    ( ម. ព.មើលពាក្យ ( ចូរមើលពាក្យ . . . ) អក្ខណៈ )
  5. អក្សទេវិន or អក្ស​ទេវិនី
    (ម. ព.មើលពាក្យ ( ចូរមើលពាក្យ . . . ) អក្ខទេវី) ។
  6. អក្សមា
    (ម. ព.មើលពាក្យ ( ចូរមើលពាក្យ . . . ) អក្ខមា) ។
  7. អក្សរ ( ន.នាមសព្ទ ) [អ័ក ឬ អក់-ស]   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    (អក្ខរ) អក្ខរៈ ។
    - អក្សរ​ខម អក្សរ​ខ្មែរ (ហៅ​តាម​សៀម​ដែល​យក​អក្សរ​ខ្មែរ​ទៅ​ប្រើ, លុះ​ចំណេរ​កាល​ត​មក ខ្មែរ​ហៅ​អក្សរ​មូល​ដែល​មាន​សណ្ឋាន​តួ​រាង​ខ្លាំង​ៗ​បន្តិច បែប​ភាព​ខុស​គ្នា​អំពី​អក្សរ​មូល​ធម្មតា​ខ្លះ​ថា អក្សរ​ខមតួ​ខម, បើ​ចារ​ឬ​សរសេរ​តួ​រាង​បែប​នោះ ប៉ុន្តែ​តូច​ៗ ហៅ​ថា កូន​ខម)
    - អក្សរ​ខ្វៀក អក្សរ​ខ្មែរ​មាន​សណ្ឋាន​តួ​រាង​ជា​ចំហៀង​ៗ​សម្រាប់​សរសេរ​ខ្វៀក​ៗ​រំហ័ស​ការ ។
    - អក្សរ​គ្រវាត់ ឬ - --ក្រវាត់ អក្សរ​ដែល​មាន​ជើង   គ្រវាត់​ឬ​ក្រវាត់​ព័ទ្ធ​ពី​ក្រៅ គឺ​អក្សរ​ដែល​ផ្សំ​ជាមួយ​នឹង​ជើង   ឬ​ផ្ញើ​ជើង ដូច​ជា ក្រ, គ្រ, ច្រ, ជ្រ ជា​ដើម ។
    - អក្សរ​ជ្រៀង អក្សរ​ខ្មែរ​មាន​សណ្ឋាន​តួ​រាង​ទ្រេត​ៗ ។
    - អក្សរ​បំបែក ព្យញ្ជនៈ​ដែល​ផ្សំ​ជា​មួយ​នឹង​ស្រៈ​តាម​លំដាប់, ដូច​ជា ក កា កី កឹ កឺ ។ល។ កុំ កំ កាំ កះ
    - អក្សរ​ប្រកប អក្សរ​ដែល​សរសេរ​ពី​ខាង​ចុង​ពាក្យ ឥត​ចេញ​សំឡេង, ខ្មែរ​ដូច​ជា កក, កង, ចក, ចង ជាដើម; បា. ឬ សំ. ដូច​ជា ហរ៑, អន៑, ករ៑, កម៌ន៑, វិទ៑, វិទ្យុត៑ ជាដើម ។
    - អក្សរ​ប្រយោគ អក្សរ​ផ្ញើរ​ជើង ឬ​អក្សរ​គ្រវាត់ (ហៅ អក្ខរប្បយោគ ក៏​បាន) ។
    - អក្សរ​ផ្ញើ​ជើង អក្សរ​ដែល​ផ្សំ​ជាមួយ​នឹង​អក្សរ​ឯ​ទៀត (អក្សរ​ប្រយោគ), ដូច​ជា ក្ង, ក្ន, ខ្ច, ខ្ទ ជាដើម។
    - អក្សរ​ពុម្ព អក្សរ​ដែល​សិត​ជា​តួ​រាង​សម្រាប់​បោះពុម្ព​ឬ​ស្នាម​អក្សរ​ដែល​បោះ​ពុម្ព​ហើយ ។
    - អក្សរ​លក្ខណ៍ ឬ - --លក្សណ៍ សំបុត្រ​សម្គាល់ ។
    - អក្សរ​សព្ទ អក្សរ​ល្អិត​ៗ​ដែល​សរសេរ​ដាក់​សព្ទ​ប្រែ​នៅ​ប៉ែក​ខាង​លើ​ក្បែរ​ភាសា​ដទៃ ។
    - អក្សរ​សាស្រ្ត វិជ្ជា​អក្សរ; ក្បួន​ប្រាប់​វិធី​អក្សរ, ការ​សរសេរ​ត្រឹម​ត្រូវ​ក្នុង​ភាសា​ណា​មួយ; មុខ​ការ​ខាង​និពន្ធ,... ។
    - អក្សរ​សាសន៍ សំបុត្រ​ឲ្យ​ដំណឹង; សំបុត្រ​សំណួរ ។ល។
  8. អក្សរ
    (មើល​ក្នុង​ពាក្យ អប្សរ) ។
  9. អក្សរ--
    (មើល​ក្នុង​ពាក្យ អក្សរ) ។
  10. អក្សាន្តី
    (ម ។ ព. អក្ខន្តី) ។

<< Prev   1 ... 5   6   7   8   9   10   11   ... 20   Next >>