Khmer Dictionary: សាធារណ៍
Chuon Nath's Khmer-Khmer Dictionary
-
សាធារណៈ
( គុ.គុនសព្ទ )
[--រៈណៈ ]
or សាធារណ៍
( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
(សាធារណ) ដែលទួទៅ; ដែលទុកជាកណ្ដាល, ដែលប្រើបានទាំងអស់គ្នា, ដែលមិនចំពោះមួយៗ; សាមញ្ញ, ដែលរាប់រយរាប់ពាន់ : ការសាធារណៈ ការដែលត្រូវធ្វើទាំងអស់គ្នា ។
- បង្គន់សាធារណៈ បង្គន់សម្រាប់សាធារណជន ។
- ផ្លូវសាធារណៈ ផ្លូវសម្រាប់ប្រជាជនទួទៅ ។
- របស់សាធារណៈ របស់ដែលត្រូវប្រើបានទាំងអស់គ្នា ឬរបស់សាមញ្ញ, របស់រយ ។
- ស្រីសាធារណ៍ ស្រីពេស្យា (តាមទម្លាប់, ពុំដែលប្រើថា ស្រីសាធារណៈ ទេ, ធ្លាប់ប្រើតែ សាធារណ៍ ដូច្នេះឯង) ។ ព. ផ្ទ. អសាធារណៈ ឬ --ធារណ៍ ។ បើរៀងភ្ជាប់ពីខាងដើមសព្ទដទៃ សរសេរជា សាធារណ (--រៈណៈ), ដូចជា
- សាធារណការ ការជាសាធារណៈ, ការដែលត្រូវតែធ្វើទួទៅ មិនចេះអស់មិនចេះហើយ ។ ហៅដោយសន្មតិ សំដៅការលើកថ្នល់, សង់ស្ពាន, សង់ផ្ទះជាដើម របស់រាជការ : ក្រសួងសាធារណការ ក្រសួងមេការសម្រាប់រាជការ ។
- សាធារណជន ប្រជាជនទួទៅ, ជនទាំងពួង ។
- សាធារណដ្ឋាន ឬ
- --ស្ថាន ទីដែលទៅមកឬប្រើប្រាស់បានទាំងអស់គ្នា ។
- សាធារណទាន ទានដែលឲ្យដល់ជនទួទៅមិនរើសមុខ (ព. ផ្ទ. អសាធារណទាន ឬ បុគ្គលិកទាន) ។
- សាធារណទ្រព្យ ទ្រព្យសាមញ្ញ, របស់រាយ ។
- សាធារណនាម (ព. វ.) នាមនាមដែលនៅទួទៅទៀតបាន (សាមញ្ញនាម) ។ ព. ផ្ទ. អសាធារណនាម ឬ វិសាមញ្ញនាម ។
- សាធារណប្រយោជន៍ ប្រយោជន៍សម្រាប់សាធារណជន ។
- សាធារណរដ្ឋ រដ្ឋដែលបណ្តារាស្រ្តជ្រើសរើសតំណាងរបស់ខ្លួន ហើយចាត់តាំងឲ្យកាន់កាប់ការផែនដី ដូចជាប្រទេសបារាំងសែសជាដើម : សាធារណរដ្ឋបារាំងសែស ។
- សាធារណសុខ សេចក្ដីសុខរបស់ប្រជាជនទួទៅ ។ល។
Headley's Khmer-English Dictionary
-
សាធារណ៍
See: សាធារណៈ