webease

Khmer-English-Khmer Dictionaries

Chuon Nath's Khmer-Khmer Dictionary
  1. វានរី
    (ម. ព.មើលពាក្យ ( ចូរមើលពាក្យ . . . ) ពានរី) ។
  2. វានរេន្ទ្រ or វានរេស
    (ម. ព.មើលពាក្យ ( ចូរមើលពាក្យ . . . ) ពានរេន្រ្ទ ឬ ពានរេស) ។
  3. វានៈ ( ន.នាមសព្ទ )   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    (វាន) គ្រឿង​ចាក់​ស្រែះ, គ្រឿង​ក្រង​ភ្ជាប់; តណ្ហា (ធម្មជាត​ឬ​ស្ថាន​ដែល​ចេញ​ផុត​ចាក​តណ្ហា​ជា​គ្រឿង​ចាក់​ស្រែះ ហៅ​ថា និញ្វន < និ + វាន; ឬ និវ៌ាណ < និស៑ + វាន, និស៑ > និរ៑, ន > ណ) ។
  4. វាន់
    (ម. ព.មើលពាក្យ ( ចូរមើលពាក្យ . . . ) វ័ណ្ដ ឬ វ័ណ្ឌ កិ. និង ន.) ។
  5. វាបី ( ន.នាមសព្ទ ) [--ប៉ី]   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    បឹង; ត្រពាំង ។
    - ចុល្លវាបី (ចុល-ល៉ៈ--) បឹង​តូច ។
    - មហា​វាបី បឹង​ធំ ។ ព. កា.ពាក្យកាព្យ គឺពាក្យសម្រាប់ប្រើក្នុងកាព្យ ថា : កម្ពុជ​រដ្ឋ មាន​នគរ​វត្ត ប្រាសាទ​សិលា​មាន​ទន្លេ​សាប ធំ​ធេង​មហិមា ដែល​ជា​មហា វាបី​នៃ​រដ្ឋ
    - ចុល្លវាបី ប្លែក​ៗ​ច្រើន​ក្រៃ ជា​ទី​វិវឌ្ឍន៍ ដោយ​ជាតិ​មច្ឆា នានា​ច្រើន​ក្ដាត់ ជា​ទ្រព្យ​សម្បត្តិ នៃ​កម្ពុជា ។
  6. វាប់ ( គុ.គុនសព្ទ )
    ធ្ងន់​ពាប់ : អម្រែក​ធ្ងន់​វាប់ ។
  7. វាមលូរ ( ន.នាមសព្ទ ) [--មៈលូ]   ( សំ.សំស្រ្កឹត ( ភាសាសំស្រ្កឹត ) )
    ដំបូក (ព. កា.ពាក្យកាព្យ គឺពាក្យសម្រាប់ប្រើក្នុងកាព្យ) : រី​វាមលូរ កើត​មាន​នៅ​យូរ សឹង​មាន​ប្រយោជន៍​ យក​ដី​ធ្វើ​ជី ដំណាំ​ដំណោច មាន​ផល​មិន​ហោច ចម្រើន​ធនធាន ។
  8. វាយ ( កិ.កិរិយាសព្ទ )   ( ព. សា.ពាក្យសាមញ្ញ ( ពាក្យធម្មតា ឬ ពាក្យផ្សា ) )
    (វ៉ៃ) ប្រហារ​ដោយ​បហរណ​វត្ថុ​ឥត​មុខ​មុត មាន​រំពាត់, ដំបង​ជាដើម : វាយ​ដោយ​រំពាត់, វាយ​មួយ​ដំបង ។ សំពង​ឲ្យ​មុត​លិច​ចុះ : វាយ​ដែក​គោល ។ សំពង​បញ្ចូល​ឲ្យ​ណែន​តឹង : វាយ​រនុក​ក្រោល ។ ទួង, គោះ ឬ​ដំ​ឲ្យ​លាន់​ឮ​សូរ​សព្ទ : វាយ​ស្គរ​ធំ, វាយ​រគាំង, វាយ​គង ។ យក​សេចក្ដី​ឬ​លម្អិត​សេចក្តី​ឲ្យ​ជាក់​ប្រាកដ : វាយ​សេចក្ដី​មិន​បែក ។ ត​ថ្លៃ : វាយ​ថ្លៃ​ទំនិញ ។ ច្បាំង​គ្នា, ច្បាំង​ដណ្ដើម​យក​ស្រុក : វាយ​កង​ទ័ព​បច្ចា​មិត្ត, វាយ​យក​ស្រុក
    - វាយ​ដំ វាយ​សំពង​ថែម​ហើយ​ថែម​ទៀត ។
    - វាយ​ដំ​ច្រំ​ធាក់ វាយ​សំពង​រឿយ​ៗ ទាំង​ធាក់​តន្រ្តំ​ផ្ទួន​ៗ​ផង ។ ព. ប្រ.
    - វាយ​កន្ទុយ​ភ្នែក ញាក់​ចុង​ភ្នែក​ឲ្យ​សញ្ញា​គ្នា ។
    - វាយ​ចុង​សម្តី បញ្ចេញ​ចុង​សម្តី​មាន​សេចក្ដី​ប្លែក គួរ​ឲ្យ​សង្ស័យ ។ល។ ព. ទ. បុ. វាយ​ទឹក​កម្ចាយ​ត្រី កំចោក​រោក​កម្ចាត់​កម្ចាយ​ឲ្យ​បែក​ខ្ញែក​ឬ​ឲ្យ​បែក​កន្ធែក​ចេញ​ពី​គ្នា
    - វាយ​ពាង​ព្រហក់​បំបែក ឬ - វាយ​បំបែក​ពាង​ព្រហក់​របស់​ឯង កម្ចាយ​សេច​ក្ដី​កំបាំង​ក្នុង​ផ្ទះ ឬ ក្នុង​ក្រុម​របស់​ខ្លួន​ឲ្យ​លេច​ឮ​ខ្ចរខ្ចាយ​ស្អុយ​កេរ្តិ៍​ឈ្មោះ​សាយ​សុស ។
  9. វាយ ( ន.នាមសព្ទ )   ( ព. សា.ពាក្យសាមញ្ញ ( ពាក្យធម្មតា ឬ ពាក្យផ្សា ) )
    ឈ្មោះ​ឈើ​មួយ​ប្រភេទ ដើម​សាច់​ជ្រាក​សម្បុរ​លាយ-ស​លាយ​ក្រហម​ខណ្ឌ​ជា​សង្កាត់​ៗ, ផ្លែ​តូច​ៗ វេលា​ទុំ​ឡើង​សម្បុរ​ក្រហម ប្រើ​ជា​អាហារ​បាន ។
  10. វាយទណ្ឌ ( ន.នាមសព្ទ ) [--យៈទ័ន ] or វាយនភណ្ឌ   ( សំ.សំស្រ្កឹត ( ភាសាសំស្រ្កឹត ), បា.បាលី​ ( បាលីភាសា ) )
    (--ភាណ្ឌ) គ្រឿង​តម្បាញ, កី ។

<< Prev   1 ... 15   16   17   18   19   20   Next >>