Khmer Dictionary: ហ
Chuon Nath's Khmer-Khmer Dictionary
-
ហើរ
( គុ.គុនសព្ទ )
ពាក្យសាមញ្ញនិយាយក្លាយមកពី ហឹរ (ម. ព.មើលពាក្យ ( ចូរមើលពាក្យ . . . ) នេះ) ។
-
ហៀ
( គុ.គុនសព្ទ )
ស្តើងណាស់ :
- ស្តើងហៀ, សម្តើងហៀ គឺស្តើងសើកប៉ប្រើក ។
-
ហៀន
( ន.នាមសព្ទ )
ឈ្មោះខ្យងគោកមួយប្រភេទ រាងត្រមៀចសម្បុរ-ស, កាលណាបញ្ចេញខ្លួនពីក្នុងសំបកមានសាច់ពីរដុំវែងៗសណ្ឋានជាស្នែង, នៅអាស្រ័យនឹងដើមឈើក្នុងព្រៃត្រជាក់ : ខ្យងហៀង ។ គូទខ្យងទាំងពួងដែលមានសណ្ឋានវិលវៀនខាងក្នុងតូចខាងក្រៅធំ : ហៀនគូទខ្យង ។ ឈ្មោះក្បាច់មានសណ្ឋានកួចចូលជ្រៅស្តើងម្ខាងវិលវៀនស្រដៀងនឹងគូទខ្យង : ក្បាច់ហៀន ឬ ក្បាច់មានហៀន ។ ដំបារប្រាក់ឬស្ពាន់មានសណ្ឋានមូលមានក្បាច់ចម្លាក់ ប្រើការដាក់ភ្ជាប់នឹងឃ្លុំសេះ : ហៀនឃ្លុំសេះ ។
-
ហៀបនឹង
( និ.និបាតសព្ទ )
ទៀបនឹង, ជិតនឹង, រកកល់នឹង, អង្រៀតនឹង : ហៀបនឹងដល់, ហៀបនឹងបាន ។
-
ហៀរ
( កិ.កិរិយាសព្ទ )
កំពប់ហូរចេញព្រោះពេញខ្លាំងហួសប្រមាណ, ព្រោះខ្ពុរឡើងឬព្រោះធ្លាក់រឥលជ្រុលចុះមក : ទឹកត្នោតហៀរពីមាត់បំពង់, ទឹកបបរពុះហៀរពីមាត់ឆ្នាំង, សំបោរហៀរ ។ ប្រើជា គុ. ក៏បាន :
- ទឹកហៀរភ្លឺ ទឹកច្រើនពេកហៀរលើភ្លឺ ។ ដែលច្រើនពេកចង្អៀតអង្គុយឬឈរមិនអស់គ្នា : មនុស្សច្រើនហៀរសាលា ។
- ហៀរហូរ ឬ
- ហូរហៀរ (ព. ប្រ.) សម្បូណ៌គរគោក (ច្រើនប្រើ ហូរហៀរ ជាង) : ម្ហូបចំណីសម្បូណ៌ហូរហៀរ ។
-
ហៀវ
( ន.នាមសព្ទ )
ចង្កូមសេះឈ្មោល : សេះដុះហៀរ (ដុះក្នុងកាលដែលពេញទំហំ) ។ ព. ទ. បុ. សេះញីដុះហៀវមាន់ញីរងាវ ស្រីច្រៀងខាតល័ក្ខណ៍ (សេចក្តីងាយមិនបាច់អធិប្បាយ; ប៉ុន្តែក្នុងសម័យនេះ សកលលោករាប់អានស្រីចេះច្រៀងពីរោះថា “មានតម្លៃ” មិនបង្អាប់ថា “ខាតល័ក្ខណ៍” ដូច ព. ទ. បុ. នេះទេ) ។
-
ហៀវ
( គុ.គុនសព្ទ )
( ស.សៀម ( ភាសាសៀម ) )
ហួត, ហួតហែង : ប្រេងហៀវ ។
- ហៀវហែង ហៀវហួត, រឹងស្ងួត (ម. ព.មើលពាក្យ ( ចូរមើលពាក្យ . . . ) ហែង ផង) ។
-
ហៀវហោះ
( កិ.កិរិយាសព្ទ )
ហោះលឿនប្លៀវ, ហោះផ្លេកផ្លោះច្រៀវច្រៃ : យក្សហៀវហោះ (ច្រើនប្រើក្នុងកាព្យ) : យន្តមេឃហៀវហោះ រម្លងចន្លោះ ដងភ្នំនានា ត្រដែតត្រដឹម សន្លឹមនេត្រា ឰដ៏វេហាស៍ ដូចក្រៀលបក្សី ។អ្នកជិះក្នុងយន្ត ក្រឡេកគយគន់ មើលមកផែនដី ឃើញឆ្ងាយលន្លឹម គួរព្រឹមហឫទ័យ បែរជាឥតភ័យ ព្រោះអាងគ្រឿងចក្រ ។
-
ហេ
( កិ. វិ.កិរិយាវិសេសនៈ ឬ កិរិយាវិសេសន៏ )
ដែលស្ទុះឬរត់សំដៅត្រង់មិនទទីមទទាម : ស្ទុះហេចូលទៅ, រត់ហេចុះហេឡើង ។ ឧ. សូរសម្រែកសេះ ។
-
ហេ !
( អាល.អាលបនៈ ឬសម្ពោធនៈ )
or ហ៊េ !
ពាក្យស្រែកហៅមិនចេញឈ្មោះដោយការឥតគោរព, ដោយមើលងាយ : ហេរកុំចូលមក ! ។ ឧ. សូរស្រែកហ៊ោច្រើនគ្នា ដោយសេចក្ដីរីករាយសប្បាយ ឬដោយអំណរព្រោះមានជ័យជម្នះជាដើម ។
<< Prev 1 ... 15 16 17 18 19 20 Next >>