Khmer Dictionary: ឡ
Chuon Nath's Khmer-Khmer Dictionary
-
ឡុបៗ
( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
ញាប់ៗប្រឡិបប្រឡុប ឬ រឡិបរឡប់ពុំសូវច្បាស់លាស់ : និយាយឡុបៗ; សម្ដីឡុបៗ ។
-
ឡុលៗ
( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
ដែលមានសូរក្អុលៗ ឬគ្រលរមិនច្បាស់ ព្រោះអណ្ដាតធំពេកឬព្រោះពិការអណ្ដាត, រឹងអណ្តាតឬក៏ព្រោះនិយាយទាំងកំពុងមានអ្វីនៅពេញក្នុងមាត់ : និយាយឡុលៗ; សម្ដីឡុលៗ ។
-
ឡូ
( កិ. វិ.កិរិយាវិសេសនៈ ឬ កិរិយាវិសេសន៏ )
អំពីសូរស្រែកខ្លាំងឮគ្រលួច ឬសូរនិយាយខ្លាំងពេញសំឡេង : ស្រែកឡូ, និយាយឡូៗ ។
-
ឡូ
( ន.នាមសព្ទ )
[ឡូ]
or ឡូត៍
( បារ.បារាំង ( ភាសាបារាំងសែស ) )
(ឡូត៍ Lot) ចំណែកផ្សេងៗក្នុងការបែងចែកឬចំនួនផ្សេងៗដែលបែងចេញជាភាគ : ដីមួយឡូ, បែងចែកជាឡូត៍ ។ ខ្មែរច្រើនប្រើពាក្យនេះចំពោះតែចំនួនរបស់ ៦ គូ ឬ ចំនួន ១២ (ដូចយ៉ាងចាននិងដបជាដើម) : ចានមួយឡូ (ចាន ១២), ថ្នាំដបពីរឡូ (ថ្នាំទឹក ២៤ ដប) ។
-
ឡូ
( ន.នាមសព្ទ )
or ឡូ៎
( យ.យួន ( ភាសាយួន ) )
(ហ្លូ៎ Lõ “រន្ធ; ប្រហោង”) ឈ្មោះល្បែងស៊ីសងមួយប្រភេទ លេងដោយបោះកាសឬលុយឲ្យចូលក្នុងរន្ធដីតូច... ជាល្បែងក្មេង : ពួកក្មេងលេងឡូ (សព្វថ្ងៃរាជរដ្ឋាភិបាលហាមមិនឲ្យលេង ព្រោះជាល្បែងស៊ីសងនាំឲ្យហិនហោចប្រយោជន៍គ្រប់យ៉ាង) ។
-
ឡូង
( កិ. វិ.កិរិយាវិសេសនៈ ឬ កិរិយាវិសេសន៏ )
អំពីសូរស្រែកឮមូលគ្រលួចទៅខាងលើ : ស្រែកឡូង, សម្ដីឡូង (វ៉ូង) ។
-
ឡូងឡាង
( កិ. វិ.កិរិយាវិសេសនៈ ឬ កិរិយាវិសេសន៏ )
អំពីសូរស្រែកឡូងៗក្អេងក្អាង : ស្រែកឡូងឡាង ។
- និយាយឡូងឡាង និយាយវ៉ូងវ៉ាង ។
-
ឡូញ
( គុ.គុនសព្ទ )
( ព. បុ.ពាក្យបុរាណ ( ពាក្យខ្មែរបុរាណ ) )
មូលស្រួចជ្រលមសណ្ឋានគូទត្រល់ (សម័យឥឡូវមិនដែលប្រើ) ។ ព. សា. មិនឡូញទេ មិនកើតទេ, មិនផេះទេ ។ ចួនកាលប្រើសំដៅសេចក្ដីថា “ខូច, វិនាស; មិនកើតការ” ក៏មាន : ឡូញហើយ ! វិនាសហើយ !, អស់កើតជាការហើយ !; ប្រើជា ក្បាលឡូញ ក៏មាន : អស់កើតជាក្បាលឡូញអីហើយ ! (ព. សា.) ។
-
ឡូត៍
(ម. ព.មើលពាក្យ ( ចូរមើលពាក្យ . . . ) ឡូ ២ ន.) ។
-
ឡូយ
( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
ពាក្យសាមញ្ញទំនើបថ្មីប្រើកាត់ខ្លីមកពីពាក្យ ឡូយថូយ សំដៅសេចក្ដីថា “ផ្តាស, ផ្ដេសផ្ដាស” : មនុស្សឡូយ, គំនិតឡូយ; កុំឡូយពេក ! (ម. ព.មើលពាក្យ ( ចូរមើលពាក្យ . . . ) ឡូយថូយ>ឡូយថូយ ផង) ។
<< Prev 1 ... 5 6 7 8 9 10 Next >>